26.11.2024 | 14:48
Որևէ ամբուլատորիա չի փակվում, տարանջատվում է տնօրենի պարտականությունը․ փոխնախարար․ ՏԵՍԱՆՅՈՒԹ
Ադրբեջանի ԱԳՆ-ն փորձում է արդարացնել Լաչինի միջանցքում անցակետի ապօրինի տեղադրումը
Քաղաքականություն
24.04.2023 | 11:24
Ադրբեջանն արձագանքել է ՀՀ ԱԳՆ-ի հայտարարությանը Լաչինի միջանցքում ապօրինի անցակետման տեղադրման ու փաստացի դրանով նոյեմբերի 9-ի եռակողմ հայտարարության չեղարկմանը։
Բաքվի ԱԳՆ-ն «կտրականապես մերժում է Երևանի հայտարարությանը»։ «Հայաստանի ԱԳՆ նախարարության հիշյալ հայտարարությունը Ադրբեջանի ներքին գործերին միջամտելու հերթական փորձն է, և դա անընդունելի է։ Հայկական կողմի նման հայտարարությունները, միջամտելով «Ադրբեջանի ներքին գործերին, ոչ միայն չեն նպաստում խաղաղությանը տարածաշրջանում, այլև հանգեցնում լարվածության աճի»,-ասվում է հաղորդագրության մեջ։
Բաքվի պնդումներից կարելի է եզրակացնել, որ Ադրբեջանի իշխանությունն իրեն լիիրավ իրավունք է վերապահում խախտելու եռակողմ հայտարարությունը։
«Ադրբեջանի օրինական որոշումն ու քայլը՝ իր ինքնիշխան տարածքում սահմանին անցակետ ստեղծելու մասին, համապատասխանում է միջազգային իրավունքի բոլոր սկզբունքներին ու նորմերին։ Հայաստանը պետք է ընդունի ու հարգի Ադրբեջանի իրավունքը՝ ապահովելու «իր տարածք մուտքի և ելքի նկատմամբ վերահսկողությունը»»,-ասվում է հայտարարության մեջ։
Էմմա Չոբանյան
