24.11.2024 | 18:04
Թբիլիսիում կանայք երթ են անցկացնում․ պահանջում են Բիձինա Իվանիշվիլիի հրաժարականը
Չեմ իջնելու ԱԺ ամբիոնից. քաղաքական ակցիա է. Թագուհի Թովմասյան․ ՏԵՍԱՆՅՈՒԹ
Քաղաքականություն
20.04.2023 | 15:41
ՀՀ Ազգային ժողովի «Պատիվ ունեմ» խմբակցության պատգամավոր Թագուհի Թովմասյանն ԱԺ-ում «Հայաստանի Հանրապետության կառավարության ծրագրի (2021-2026 թթ.) 2022 թվականի կատարման ընթացքի և արդյունքների մասին» զեկույցի քննարկմանն ամբիոնից իր ելույթի վերջում հայտարարեց, որ իրականացնում է քաղաքական ակցիա:
«Ի նշան բողոքի՝ չեմ իջնելու ԱԺ ամբիոնից»,- հայտարարեց Թովմասյանը:
Դիմելով իշխանությանն՝ ասաց, որ թույլ չի տալու երկրի թիվ մեկ ամբիոնից ստեր հնչեցնել, կասկածի տակ դնել Արցախի հայկական լինելը կամ հայ ժողովրդի պատմությունը: Նա հորդորեց իր գործընկերներին ևս միանալ իրեն:
«Հայտարարում եմ քաղաքական ակցիա և ի նշան բողոքի չեմ իջնելու ԱԺ ամբիոնից։ Թույլ չեմ տալու երկրի թիվ 1 ամբիոնից կրկին ստեր հնչեցնել, կասկածի տակ դնել Արցախի հայկական լինելը կամ հայ ժողովրդի պատմությունը։ Սիրելի գործընկերներ, եթե համաձայն եք իմ դիտարկումների հետ, ապա կարող եք միանալ իմ ակցիային։ Այլևս չեմ կարող հանդուրժել, որպեսզի սուտը, կեղծիքը, բանսարկությունն ու մարդկանց անվանարկումը հնչի այս բարձր ամբիոնից։ Բավակա՛ն է։ Սթափվե՛ք ու հասկացե՛ք ձեր պատասխանատվության չափաբաժինը»,– ասաց Թովմասյանը։
Ելույթի ավարտին ԱԺ նախագահ Ալեն Սիմոնյանը հարցրեց. «Այս ամենի իմաստը ո՞րն է. որ անվտանգությունը գա՞, Ձեզ ուղեկցի դո՞ւրս, որ լուսանկար լինի՞: Սահմանադրական գործընթաց է տեղի ունենում, Ձեր արածը ո՞նց եք բացատրելու, Դուք էլ Մարդու իրավունքների պաշտպանության հարցերի հանձնաժողովի նախագահն եք»:
ԱԺ նախագահը հորդորեց անջատել ուղիղ եթերը։
Մանրամասները՝ տեսանյութում։
