13.09.2026 | 15:08
Tour of Armenia-ի եզրափակիչ՝ չորրորդ մրցափուլը Երևանում
Մինչև մայիսի վերջ Եվրահանձնաժողովը կգնահատի ԵՄ թեկնածուի կարգավիճակ ստանալու ուղղությամբ Վրաստանի գործողությունները
Քաղաքականություն
19.04.2023 | 17:07
Մինչև գարնան վերջ Եվրահանձնաժողովը միջանկյալ գնահատական կներկայացնի Վրաստանի կողմից ԵՄ թեկնածուի կարգավիճակ ստանալու 12 առաջարկությունների կատարման վերաբերյալ։ Այս մասին հայտնում է «Նովոստի Գրուզիան»՝ հղում անելով Եվրոպական հարևանության քաղաքականության և ընդլայնման հարցերով եվրահանձնակատար Օլիվեր Վարհեյին։
«Ինչպես բոլոր երկրների դեպքում, որոնք ներգրավված են ընդլայնման քաղաքականության մեջ, դեպի ԵՄ առաջընթացի տեմպերը կախված են առանցքային բարեփոխումների իրականացումից: 2023 թվականի գարնանը Հանձնաժողովը Խորհրդին բանավոր թարմացում կներկայացնի Վրաստանի կողմից 12 առաջնահերթությունների կատարման վերաբերյալ»,- ասվում է հայտարարության մեջ:
Գնահատումը կտրամադրվի Վրաստանի 20 հասարակական կազմակերպությունների՝ դրանք հրապարակային դարձնելու խնդրանքից հետո։
Ավելի վաղ Եվրախորհրդարանի պատգամավոր Նաչո Սանչես Ամորը հայտարարել էր, որ ԵՄ ղեկավարությունը սխալ է վարվել՝ որոշելով անցյալ տարի Վրաստանին չտրամադրել միությանն անդամակցելու թեկնածուի կարգավիճակ Ուկրաինայի և Մոլդովայի հետ հավասար։
Մարտի 24-ին Գերմանիայի արտաքին գործերի նախարար Աննալենա Բերբոկը հայտարարել է, որ երկիրը կաջակցի Վրաստանին եվրաինտեգրման ճանապարհին։
