26.11.2024 | 14:29
ՔՊ-ական պատգամավոր Հակոբ Ասլանյանի հետ կապված միջադեպի գործով հարցաքննվում է ավտոբուսի վարորդը․ ՈՒՂԻՂ
Ադրբեջանն ու Ղազախստանը ռազմական ոլորտում համագործակցության հարցեր են քննարկել
Քաղաքականություն
19.04.2023 | 13:23
Աստանայում տեղի է ունեցել Ադրբեջանի պաշտպանության նախարար Զաքիր Հասանովի և Ղազախստանի պաշտպանության նախարար Ռուսլան Ժակսիլիկովի հանդիպումը։ Ադրբեջանի ՊՆ հաղորդմամբ՝ կողմերը քննարկել են ռազմական համագործակցության հեռանկարները։ «Հանդիպման ընթացքում քննարկվել են ռազմական, ռազմատեխնիկական, ռազմակրթական ոլորտներում երկկողմ համագործակցության զարգացման հեռանկարները և փոխադարձ հետաքրքրություն ներկայացնող այլ հարցեր»,- ասվում է հաղորդագրության մեջ։
Հավելենք, որ նախօրեին Հասանովը պաշտոնական այցով մեկնել էր Ղազախստան։ Ի դեպ, ապրիլի 10-ին էլ այցով Ղազախստանում էր Ադրբեջանի նախագահ Իլհամ Ալիևը։ Այս այցելությունն ուշագրավ է այնքանով, որ Ղազախստանը Հայաստանի հետ միասին միևնույն ռազմական դաշինքում է ՝ հանդիսանալով ՀԱՊԿ անդամ երկիր։
