09.09.2026 | 14:41
Իսրայելը կփակի Մեծ Բրիտանիայի հյուպատոսությունը Երուսաղեմում՝ ի պատասխան Լոնդոնի պատժամիջոցների
Ականջից բռնեցինք, պատգամավոր դարձրինք, ինձ ձայնագրեց, տարավ Սերժ Սարգսյանին տվեց. Փաշինյան․ ՏԵՍԱՆՅՈՒԹ
Քաղաքականություն
18.04.2023 | 17:25
Ընտրություններից առաջ հիշո՞ւմ եք Սերժ Սարգսյանը իմ մասնակցությամբ մի ձայնագրություն հրապարակեց ու ոչ ոք չանդրադարձավ այն հարցին, թե ով է ձայնագրել դա ու ոնց է ձայնագրել։ Այս մասին այսօր՝ ապրիլի 18-ին, ԱԺ-ում հայտարարեց վարչապետ Նիկոլ Փաշինյանը։
«Կարո՞ղ է այդ մարդը մեր խմբակցության անդամ է եղել, հիմա էլ ուրիշ խմբակցության անդամ է։ Հիմա էլ գալիս են, մեծ-մեծ բաներից են խոսում, բարոյականությունից։ Հասկանո՞ւմ եք՝ այդ մարդը եկել է մեր ցուցակով դարձել է պատգամավոր, եթե չասեմ՝ ականջից բռնել ենք, դարձրել պատգամավոր, նա կյանքում կարա՞ր պատգամավոր դառնար։ Եկել է հեղափոխական թիմի նիստը ձայնագրել է, տարել տվել է Սերժ Սարգսյանին ու այսօր հոխորտում է, գետնինն էլ չի մտնում։ Բարոյական կերպարը նայեք մի հատ»,- նշեց վարչապետը։
Խոսելով ձայնագրության բովանդակության մասին՝ Նիկոլ Փաշինյանը նշեց․ «Դա մեր դեմ էին ներկայացրել, բայց փորձագետների գնահատմամբ, այն ընտրություններից առաջ օգնեց մեզ բացահայտելու ճշմարտության ևս մի կտոր»։
Հիշեցնենք, որ այս ձայնագրությունը Սերժ Սարգսյանը հրապարակել է 2021-ի հունիսին:
Մանրամասները՝ տեսանյութում։
