05.08.2026 | 18:00
IDBank-ը ներկայացնում է նոր Mastercard World քարտը՝ ճանապարհորդական առավելություններով և հատուկ արշավով
«Միջոցառման հենց սկզբից մարզական պատվիրակությունների համար ապահովված է անվտանգության ամենաբարձր մակարդակը»․ Եվրոպայի ծանրամարտի ֆեդերացիայի նախագահ
18.04.2023 | 10:51
Եվրոպայի ծանրամարտի ֆեդերացիայի նախագահ Անտոնիո Կոնֆլիտին ֆեյսբուքյան գրառմամբ անդրադարձել է Երևանում անցկացվող ծանրամարտի Եվրոպայի առաջնությանն ու հաստատել, որ սպորտային պատվիրակությունների համար ապահովված է անվտանգության ամենաբարձր մակարդակը։
«Ողջունում եմ Հայաստանի իշխանությունների հայտարարությունը։ Միջոցառումը չպետք է կապված լինի քաղաքականության հետ։ Կարող եմ անձամբ հաստատել միջոցառման հենց սկզբից սպորտային պատվիրակությունների համար ապահովված է անվտանգության ամենաբարձր մակարդակը»,- գրել է Կոնֆլիտին։
Հիշեցնենք, որ ծանրամարտի Եվրոպայի առաջնության բացման օրը, երբ իրենց դրոշներով բեմ էին բարձանում մասնակից երկրների պատվիրակությունները, դիզայներ Արամ Նիկոլյանն այրեց Ադրբեջանի դրոշը, ինչից հետո Ադրբեջանի Երիտասարդության և սպորտի նախարարությունն ու երկրի ազգային օլիմպիական կոմիտեն հետ կանչեցին ադրբեջանցի մարզիկներին՝ հայտարարելով, որ իրենց մարզիկների անվտանգությունն ապահովված չէ։
Դրան հաջորդեց ՀՀ ԿԳՄՍ նախարարության հայտարարությունը, ըստ որի՝ բացման արարողության ժամանակ տեղի ունեցած միջադեպը որևէ առնչություն չունի ադրբեջանցի մարզիկների անվտանգության և նրանց բնականոն մրցելույթների ապահովման հետ։
Եվ ահա երեկ՝ մրցելույթների 3-րդ օրը, Եվրոպայի ծանրամարտի ֆեդերացիայի նախագահը անձամբ է հաստատում, որ պատվիրակությունների համար հենց սկզբից ապահովված է եղել անվտանգության ամենաբարձր մակարդակը։
