14.09.2026 | 20:30
Ադրբեջանը սարքել է եվրոպացի դիվանագետների գլխին՝ մասնակից դարձնելով իր կազմակերպած շոուին․ Էդգար Առաքելյան. ՏԵՍԱՆՅՈՒԹ
Ալիևը սեփական բանկի աշխատակցին նշանակել է զորակոչի պետական ծառայության ղեկավար
Քաղաքականություն
17.04.2023 | 15:55
Ադրբեջանի նախագահ Իլհամ Ալիևը սեփական բիզնեսի ներկայացուցիչներին նշանակել է պետական բարձր պաշտոնների։ Արզու Ռահիմովն ազավտել է Ադրբեջանի Զինվորական ծառայության մոբիլիզացիայի և զորակոչի պետական ծառայության ղեկավարի պաշտոնից։ Մեկ այլ հրամանով այդ պաշտոնում նշանակել է Մյուրսալ Իբրահիմովը, որը ավելի քան 10 տարի աշխատել է ազգային անվտանգության նախարարությունում, եղել վարչության պետի տեղակալ, պարգևատրվել է «Մարտական վաստակի համար» մեդալով։ 2015թ-ից աշխատել է մասնավոր ընկերություններում։ Վերջին տարիներին նա եղել է Kapital Bank-ի անվտանգության դեպարտամենտի տնօրենը։
Հավելենք, որ Kapital Bank-ի ակցիաների 99,87 տոկոսը պատկանում է Pasha Holding-ին, որը Ադրբեջանի առաջին տիկին, փոխնախագահ Մեհրիբան Ալիևայի հոր՝ Արիֆ Փաշաևի սեփականությունն է։ Այստեղ բաժնեմասեր ունեն նաև նախագահ Ալիևի դուստրերը՝ Լեյլա և Արզու Ալիևաները։ 2013 թվականից Արիֆ Փաշաևը հոլդինգի կառավարումը փոխանցել է Լեյլա և Արզու Ալիևաներին։
Ի դեպ, օրերս էլ Իլհամ Ալիևը ընտանեկան այս հոլդինգի մեկ այլ աշխատակցի՝ Մեջնուն Մամեդովին նշանակել էր Ադրբեջանի գյուղատնտեսության նախարար։
Էմմա Չոբանյան
