06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Մատվիենկոն հայտարարել է, թե ՌԴ-ն բոլոր ջանքերը գործադրում է Հայաստանի ու Ադրբեջանի միջև խաղաղության պայմանագրի կնքման ուղղությամբ
Քաղաքականություն
14.04.2023 | 18:24
Ռուսաստանի Դաշնությունը գործադրում է բոլոր ջանքերը Հայաստանի և Ադրբեջանի միջև եռակողմ համաձայնագրի շրջանակներում հնարավորինս արագ խաղաղության պայմանագիր կնքելու համար։ Այս մասին հայտարարել է ՌԴ Դաշնային խորհրդի նախագահ Վալենտինա Մատվիենկոն ԱՊՀ Միջխորհրդարանական վեհաժողովի շրջանականերում կայացած ճեպազրույցում, գրում է Ինտերֆաքսը։
«Ռուսաստանն արել ու շարունակում է անել ամեն հնարավորը, որպեսզի որքան հնարավոր է շուտ կնքվի խաղաղության պայմանագիր եռակողմ համաձայնագրի շրջանակներում, որը ժամանակին ստորագրվել է երեք պետությունների ղեկավարների կողմից»,-ասել է Մատվիենկոն։
Ճեպազրույցին մասնակցել են նաև ՀՀ ԱԺ նախագահ Ալեն Սիմոնյանն ու Ադրբեջանի Մեջլիսի խոսնակ Սահիբա Գաֆարովան։ Սիմոնյանը հայտարարել է, որ Հայաստանը խաղաղության պայմանագիր է ցանկանում Ադրբեջանի հետ և պատրաստ է զորքերը հեռացնել սահմանից։ Նա նաև կոչ է արել ադրբեջանական կողմին դադարեցնել Հայաստանին տարածքային պահանջներ ներկայացնել։
Էմմա Չոբանյան
