09.09.2026 | 15:51
Զարուհի Բաթոյանն ընտրվեց Առողջապահության հարցերի մշտական հանձնաժողովի փոխնախագահ․ ՏԵՍԱՆՅՈւԹ
Կառավարությունն ամեն տարի կրճատում է կրթության ոլորտի ֆինանսական հատկացումները․ Արտակ Քյուրումյան․ ՏԵՍԱՆՅՈՒԹ
Հասարակություն
14.04.2023 | 13:14
Անհրաժեշտ է ավելացնել կրթության և գիտության ոլորտի ֆինանսավորումը, սակայն առանց որակական ու կառուցվածքային փոփոխությունների, դա ուղղակի կհանգեցնի անարդյունավետ համակարգ ավելի շատ միջոցներ լցնելուն։ Այս մասին «Արդյոք նոր ռազմավարությունն ու ակադեմիական քաղաքը լուծելո՞ւ են խնդիրները» թեմայով քննարկման ժամանակ նշեց պետական ֆինանսավորման և կառավարման փորձագետ Արտակ Քյուրոմյանը։
«Առկա խնդիրների պատճառը չգիտենք, գիտենք դրանց դրսևորումները՝ կրթության որակի անկում և դրանով պայմանավորված հանգամանքներ։ Չունենք որևէ պետական փաստաթուղթ, որը կվերաբերի կրթության և գիտության ոլորտի վերլուծությանը»,- նշեց բանախոսը։
Դիտարկելով բյուջետային ցուցանիշները՝ փորձագետը նշեց, որ Կառավարությունն ամեն տարի կրճատում է կրթության ոլորտի ֆինանսական հատկացումները․ 2022թ․ բյուջետային տարվա ընթացքում բարձրագույն և հետբուհական կրթության ոլորտի հատկացումները կրճատվել են ավելի քան 15 տոկոսով։ Կրճատվել են նաև կրթության ոլորտում միջոցառումների համար նախատեսված հատկացումները։
«Կառավարության համար կրթության հետ կապված միջոցառումներն ու ծրագրերը երկրորդական են և այդ ոլորտում չեն կատարվել անհրաժեշտ կառուցվածքային բարեփոփոխումներ»,- եզրափակեց փորձագետը։։
Մանրամասները՝ տեսանյութում։
