26.11.2024 | 12:40
Առնվազն երեսպաշտություն է Վահե Հովհաննիսյանի կողմից. Վարազդատ Հարությունյան․ ՏԵՍԱՆՅՈՒԹ
Ադրբեջանի ԱԳՆ-ն արձագանքել է Նիկոլ Փաշինյանի հայտարարությանը՝ կրկին կեղծիքներ հնչեցնելով
Քաղաքականություն
14.04.2023 | 14:47
Ադրբեջանի ԱԳՆ-ն արձագանքել է ՀՀ վարչապետ Նիկոլ Փաշինյանի նախօրեին կառավարության նիստում արված հայտարարություններին։ Ադրբեջանի ԱԳՆ խոսնակ Այխան Հաջիզադեն հերթական անգամ ադբեջանական կեղծ քարոզչական թեզերն է հնչեցրել։
Հաջիզադեն նշել է, թե Բաքվի համար անընդունելի է ՀՀ վարչապետի այն հայտարարությունը, որ ապրիլի 11-ին ադրբեջանական զինուժը հարձակում է իրականացրել Հայաստանի Տեղ բնակավայրի վրա։ Հիշեցնենք՝ որ հարձակումը ապացուցող տեսանյութը հրապարակվել է ՀՀ ՊՆ-ի կողմից։
«Փաշինյանն իր ելույթում Ադրբեջանին մեղադրել է սահմանին վերջին սադրանքի մեջ և անցյալ տարվա հոկտեմբերին Պրահայում և Սոչիում կայացած հանդիպումների ժամանակ ստանձնած պարտավորությունները խախտելու մեջ։ Դա բացարձակապես անհիմն է և անընդունելի»,-ասել է Հաջիզադեն՝ Հայաստանի հասցեին անհիմն մեղադրանքներ հնչեցնելով ու կոչ անելով վերադառնալ բանակցային սեղան։
Շարունանելով Բաքվի ԱԳՆ խոսնակը նշել է, թե իբր «Հայաստանը տարածքային պահանջներ ունի Ադրբեջանի նկատմամբ ու զորք է պահում Ադրբեջանի տարածքում՝խախտելով Պրահայի ու Սոչիի պայմանավորվածությունները»։
Չնայածա ՄԱԿ-ի Արդարադատության միջազգային դատարանի որոշմանը՝ պաշտոնական Բաքուն շարունակում է պնդել, թե իբրև Լաչինի միջանցքը փակ չէ։
Էմմա Չոբանյան
