24.11.2024 | 19:08
ՃՏՊ Դիմիտրով գյուղի մոտ. 3 անձ տեղափոխվել է հիվանդանոց
Փոստային ծառայություններից դժգոհություններ կան․ բարելավելու ծրագրեր կա՞ն․ Արմեն Խաչատրյան․ ՏԵՍԱՆՅՈՒԹ
Քաղաքականություն
13.04.2023 | 10:31
Մատուցվող փոստային ծառայությունները նախատեսվում է համապատասխանեցնել միջազգայնորեն ընդունված չափանիշներին։ Այս մասին հայտարարեց ՀՀ բարձր տեխնոլոգիական արդյունաբերության նախարարի տեղակալ Դավիթ Սահակյանը՝ առաջին ընթերցմամբ քննարկման ներկայացնելով ««Փոստային կապի մասին» օրենքում փոփոխություններ և լրացումներ կատարելու մասին» և ««Փաստաթղթերի հատուկ առաքման մասին» օրենքում փոփոխություն կատարելու մասին» օրենսդրական նախաձեռնությունը:
«Քաղաքացիական պայմանագիր» խմբակցության պատգամավոր Արմեն Խաչատրյանը հետաքրքրվեց, թե ի՞նչ արդյունք է ակնկալվում այս փոփոխություններից հետո, քանի որ դժգոհությունները ոլորտից շատ են։
Հարցին պատասխանելով՝ Դավիթ Սահակյանը տեղեկացրեց, որ փոփոխությունների արդյունքում մատուցվող փոստային ծառայությունները պետք է համապատասխանեցվեն միջազգայնորեն ընդունված չափանիշներին:
Նրա խոսքով՝ մշակվում է փոստային ծառայությունների ոլորտի զարգացման հայեցակարգը և Հայփոստի զարգացման նոր ռազմավարությունը:
Այդ ծրագրերի շրջանակներում նախատեսվում է փոստային ծառայությունների թվայնացում, կատարելագործում, փոստային բաժանմունքների ցանցի օպտիմալացում:
Մանրամասները՝ տեսանյութում։
