16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Քանի գերիները չեն վերադարձել, նշանակում է` մեր աշխատանքը չենք հաջողել իրականացնել. Փաշինյան․ ՏԵՍԱՆՅՈւԹ
Հասարակություն
12.04.2023 | 18:56
Ադրբեջանում պահվող գերիների վերադարձի հարցը Հայաստանի պետական մարմինների ուշադրության կենտրոնում է։ Կառավարության հետ հարց ու պատասխանի ժամանակ այս մասին հայտարարեց վարչապետ Նիկոլ Փաշինյանը։
«Այս խնդիրը պետք է չլիներ, որովհետև 2020 թվականի եռակողմ հայտարարության մեջ այդ հարցը հասցեագրված է։ Ամենատարբեր ատյաններում Ադրբեջանը փորձում է ներկայացնել, որ այսօր գերեվարման մեջ գտնվող քաղաքացիները ռազմագերի չեն՝ օգտագործելով ամենատարբեր իրավաբանական ձևակերպումներ, բայց դա ընդհանրապես մեկնաբանելու հարց չէ, որովհետև եռակողմ հայտարարության համապատասխան կետում խոսվում է ոչ միայն ռազմագերիների, այլ նաև պատանդների և այլ պահվող անձանց մասին։
Սա այն դեպք է, երբ Ադրբեջանը շատ ուղիղ չի կատարում իր միջազգայնորեն ստանձնած պարտավորությունները»,- ընդգծեց Փաշինյանը։
Վարչապետը անհրաժեշտ է համարում շարունակել ջանքերը՝ գերիների հարցը րոպե առաջ լուծելու համար թե խորհրդարանական, թե կառավարական մակարդակով։
«Կառավարությունն իր կողմից փորձում է գործադրել բոլոր ջանքերը, այդ թվում՝ գերեվարված եղբայրների ընտանիքների հոգսերը թեթևացնելու համար, բայց քանի դեռ տղաները չեն վերադարձել, կարող ենք ասել, որ մենք մեր աշխատանքը չենք հաջողել իրականացնել»,- եզրափակեց Փաշինյանը։
Մանրամասները՝ տեսանյութում։
