24.02.2026 | 23:39
Հայաստանի մի շարք հասցեներում էլեկտրաէներգիայի անջատումներ կլինեն
Ալիևի օգնականը Իրանի դեսպանի հետ է հանդիպել
Քաղաքականություն
12.04.2023 | 18:03
Ադրբեջանի նախագահի օգնական, աշխատակազմի արտաքին քաղաքականության բաժնի ղեկավար Հիքմեթ Հաջիևը հանդիպել է Ադրբեջանում Իրանի դեսպան Սեյիդ Աբբաս Մուսավիին։ Ադրբեջանական լրատվամիջոցների հաղորդմամբ՝ Մուսավին սոցցանցի իր էջում նշել է, որ հանդիպումն անցել է անկեղծ ու կառուցողական մթնոլորտում։
«Իրանի և Ադրբեջանի արտգործնախարարների կառուցողական բանակցություններից հետո, ես կառուցողական և բովանդակալից զրույց ունեցա նաև Ադրբեջանի նախագահի օգնական Հիքմեթ Հաջիևի հետ։ Հուսով եմ, որ սկսված այս գործընթացի վերջնական արդյունքը կլինի հօգուտ երկու երկրների և այս տարածաշրջանի շահերի»,- գրել է դեսպանը։
Հավելենք, որ ապրիլի 8-ին Իրանի և Ադրբեջանի արտաքին գործերի նախարարներ Հոսեյն Ամիր Աբդոլլահիանը և Ջեյհուն Բայրամովը հեռախոսազրույցներ էին ունեցել և քննարկել Բաքվի ու Թեհրանի միջև երկկողմ հարաբերությունների զարգացումը և տարածաշրջանային որոշ խնդիրներ։
Այս զրույցը Իրանի ու Ադրբեջանի ԱԳՆ-ները կառուցողական ու դրական էին գնահատել։ Վերջին օրերին կողմերի նման հայտարարություններից կարելի է ենթադրել, որ երկու երկրների հարաբերություններում առկա լարվածությունը գնում է դեպի նվազում։
Էմմա Չոբանյան
