08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Մեր պաշտպանները կատաղի ոգով երեկ հետ են մղել թշնամու ագրեսիան․ ՔՊ-ական պատգամավորը՝ Տեղ գյուղի ուղղությամբ սադրանքի մասին
Հասարակություն
12.04.2023 | 10:44
ՀՀ ԱԺ «Քաղաքացիական պայմանագիր» խմբակցության պատգամավոր Դավիթ Դանիելյանը ֆեյսբուքյան գրառմամբ տեղեկացրել է, որ մինչև լուսաբաց Տեղ խոշորացված համայնքի ղեկավար Դավիթ Ղուլունցի հետ դիրքերում են եղել։
«Սիրելի հայրենակիցներ,
Տեղ խոշորացված համայնքի ղեկավար Դավիթ Ղուլունցի հետ երեկվանից մինչև այսօր լուսաբաց գտնվել ենք դիրքերում: Մեր տղաները ուժեղ են, հզոր, անկոտրում: Մեր պաշտպանները կատաղի ոգով երեկ հետ են մղել թշնամու ագրեսիան, պաշտպանել գյուղը և մեզ բոլորիս: Գիշերվա ընթացքում և այս պահին որևէ էական խախտում չի եղել:
Երեկ երեկոյան շփվել եմ նաև բնակիչների հետ, երիտասարդների հետ: Սահմանը ու Երևանը երկու տարբեր Հայաստան են: Այդ «Հայաստանները» իրար շատ ասելիք ունեն` միասնական պայքարով պիտի պահենք մեր Հայրենիքը:
Չթողեք վախը և խուճապը ձեզ հաղթի: Մենք ուժեղ ենք»,- գրել է նա։
