13.09.2026 | 15:08
Tour of Armenia-ի եզրափակիչ՝ չորրորդ մրցափուլը Երևանում
Ադրբեջանը կրակել է Սոթքի ուղղությամբ․ հանքավայրի աշխատանքը դադարեցվել է, աշխատակիցները՝ տարհանվել
Քաղաքականություն
11.04.2023 | 19:56
Ադրբեջանի զինված ուժերը կրակել են նաև հայ-ադրբեջանական սահմանի Սոթքի հատվածում տեղակայված հայկական դիրքերի ուղղությամբ, ինչի հետևանքով դադարեցվել են Սոթքի ոսկու հանքավայրի աշխատանքները, աշխատակիցները տարհանվել են:
Այս մասին «Արմենպրես»-ին հայտնեց Սոթքի ոսկու հանքավայրը շահագործող «Գեոպրոմայնինգ» ընկերության ներկայացուցիչ Ռուզաննա Գրիգորյանը
«Ժամը 17:15-ի սահմաններում սկսել են կրակել: Ընկերությունը դադարեցրել է Սոթքի հանքավայրի աշխատանքը և էվակուացրել է աշխատակիցներին` նրանց անվտանգության ապահովման նկատառումներից ելնելով»,- ասաց Գրիգորյանը:
Ավելի վաղ ՀՀ պաշտպանության նախարարությունից հայտնել էին, որ ապրիլի 11-ին՝ ժամը 16:00-ի սահմաններում, Ադրբեջանի ԶՈՒ ստորաբաժանումները կրակ են բացել Տեղ համայնքի ուղղությամբ ինժեներական աշխատանքներ իրականացնող ՀՀ ԶՈՒ զինծառայողների ուղղությամբ: Հայկական կողմը դիմել է պատասխան գործողությունների: Ադրբեջանը նաև ականանետեր է կիրառել հայկական դիրքերի ուղղությամբ, իսկ հայկական կողմը դիմել է անհրաժեշտ պաշտպանական գործողությունների։
Հայկական լրատվամիջոցները հայտնում են, որ հայկական կողմն ունի 3, ադրբեջանական կողմը՝ 4 զոհ։
