16.12.2025 | 15:22
Եվրոպայի առաջնորդները խոստանում են բազմազգ ուժեր ստեղծել Ուկրաինայի համար
Վրաստանի ֆինանսների նախարարն ԱՄՆ-ում քննարկել է Ռուսաստանի դեմ պատժամիջոցների ռեժիմը
Քաղաքականություն
11.04.2023 | 21:23
Վրաստանի ֆինանսների նախարար Լաշա Խուցիշվիլին ԱՄՆ առևտրի նախարարի օգնական Մեթյու Աքսելրոդի հետ հանդիպմանը քննարկել է Ռուսաստանի Դաշնության դեմ կիրառվող սահմանափակումների կենտրոնացված վերահսկողության հարցը։ Այս մասին երեքշաբթի հայտնել են Վրաստանի ֆինանսների նախարարության մամուլի ծառայությունում, գրում է ՏԱՍՍ-ը։
«Ինչպես նշել է ֆինանսների նախարար Լաշա Խուցիշվիլին, միջազգային պատժամիջոցների ներդրման առաջին օրվանից երկիրը կենտրոնացված կերպով վերահսկում է դրանց կատարումը: Հանդիպմանը ամերիկյան կողմը դրական է գնահատել Վրաստանի քայլերը պատժամիջոցների կատարման ուղղությամբ»,- ասվում է զեկույցում։
Խուցիշվիլին և Աքսելրոդը քննարկել են նաև երկրների միջև առևտրատնտեսական հարաբերությունների դինամիկան, Վրաստանի մաքսային հսկողության կարողությունների բարձրացմանն ուղղված Միացյալ Նահանգների աջակցությունը, ինչն իր հերթին կնպաստի տարածաշրջանում առևտրի հետագա զարգացմանը, հավելել են գերատեսչությունում։
Կողմերը քննարկել են Վրաստանի տրանսպորտային, առևտրային և լոգիստիկ կարողությունների ընդլայնման կարևորությունը, ինչը նպաստում է հանրապետության եվրոպական ինտեգրմանը։
