26.10.2026 | 01:04
Մոտ 540 ձայնով պարտվել ենք Ստեփանավանում. ՔՊ-ական․ ՏԵՍԱՆՅՈւԹ
Ամռան սկզբին Թուրքիայի հետ սահմանը պետք է բաց լինի երրորդ երկրների քաղաքացիների համար. Ռուբինյան․ ՏԵՍԱՆՅՈՒԹ
Քաղաքականություն
11.04.2023 | 17:31
Կա պայմանավորվածություն, որ հայ-թուրքական ցամաքային սահմանն ամռան սկզբին պետք է բացվի երրորդ երկրներ քաղաքացիների և դիվանագիտական անձնագիր ունեցող անձանց համար։ ԱԺ-ում լրագրողների հետ զրույցում ասաց Հայաստան–Թուրքիա հարաբերությունների կարգավորման բանակցություններում ՀՀ հատուկ ներկայացուցիչ Ռուբեն Ռուբինյանը։
«Հայկական կողմն աշխատանքներ է տանում Մարգարա անցակետի կահավորելու, վերազինելու համար, ինչը ենթադրում է նաև ենթակառուցվածքների ստեղծում։ Այսինքն` աշխատանքներ են տարվում, որպեսզի ամռան սկզբին պատրաստ լինենք պայմանավորվածությունները մեր կողմից կատարելու համար»,–ասաց նա։
Ռուբինյանի խոսքով` թուրքական կողմը նույնպես պատրաստվում է դրան։ Համենայն դեպս, չի հնչել պնդում, որ պայմանավորվածությունն ուժի մեջ չէ։
ԱԺ փոխնախագահը հավելեց, որ այս պահին հատուկ ներկայացուցիչների հանդիպում նախատեսված չէ։
Խոսելով Անի կամրջի համատեղ վերականգնման աշխատանքից` Ռուբինյանը նշեց, որ այդ առումով դեռ որևէ գործնական շարժ չկա։
Մանրամասները՝ տեսանյութում։
