24.11.2024 | 18:04
Թբիլիսիում կանայք երթ են անցկացնում․ պահանջում են Բիձինա Իվանիշվիլիի հրաժարականը
Դուք սելեկտիվ արդարադատություն իրականացնող դատախազության ներկայացուցիչն եք․ Գալստյանը՝ ՄԻՊ թեկնածուին․ ՏԵՍԱՆՅՈՒԹ
Քաղաքականություն
11.04.2023 | 14:06
ԱԺ-ում քննարկվում է «Քաղաքացիական պայմանագիր» խմբակցության կողմից առաջադրած ՄԻՊ թեկնածուի՝ Անահիտ Մանասյանի ընտրության հարցը։
«Այսօր, երբ թշնամին քայլելով մտնում է սահմանամերձ գյուղեր, երբ լրանում է Լաչինի շրջափակման 4-րդ ամիսը․․․, երբ Արցախի հումանիտար աղետն անհաղթահարելի մասշտաբների է հասնում, երբ Բաքվի բանտերում ռազմագերիներ են խոշտանգվում, երբ Հայաստանի դեմոկրատիայի փքված փուչիկն ընդամենը փչված փուչիկ է, երբ խաղաղության օրակարգը սին է, իսկ Հայաստանի անունից բանակցողը պատրաստ է ցանկացած զոհողության, ԱԺ-ում քննարկվում է ՔՊ-ի ներկայացրած ՄԻՊ քեկնածուի հարցը»,- այս մասին ԱԺ նիստում նշեց ՀՅԴ ԳՄ անդամ, ՀՀ ԱԺ «Հայաստան» խմբակցության պատգամավոր Լիլիթ Գալստյանը։
«Մեր բևեռացված, անհանդուրժող, արժեքային և անվտանգային բազմաթիվ սպառնալիքներ ապրող պետական ինստիտուտների նկատմամբ հավատը կորցրած, աղետալի և ողբերգական իրականության մեջ հայտնված հասարակությանը իսկապես անաչառ ՄԻՊ է հարկավոր։
Ի դեպ մենք ունեինք նման ՄԻՊ, ով քաղաքական մեծամասնության քիմքով չէր և քաղաքական բոլշևիզմը չհանդուրժեց նրան։
Տիկի՛ն Մանասյան, արդյո՞ք դուք եք այն անձը, որը բավարար կամք և անաչառություն կդրսևորի պետական մարմիններից և նրանց ապօրինություններից պաշտպանելու քաղաքացին, ո՞ւմ կամ ի՞նչի վրա եք հենվելու պաշտպանելու ՀՀ քաղաքացու հիմնարար ազատություններն ու իրավունքները, իրավունքի՞, թե՞ քաղաքական մեծամասնության հավատարմության վրա։
Ես չեմ հավատում ո՛չ ձեր խիզախությանը, ո՛չ էլ՝ անաչառ լինելուն։ Դուք սելեկտիվ արդարադատություն իրականացնող դատախազության ներկայացուցիչն եք»,- նշեց Գալստյանը։
Մանրամասները՝ տեսանյութում։
