15.02.2026 | 15:53
Ուկրաինայում ձերբակալվել է էներգետիկայի նախկին նախարար Գերման Գալուշենկոն
Բռնված ադրբեջանցուն հանձնելը մեծ դավաճանություն կլինի․ Բաքվում հայ գերիներ ունենք, պիտի վերադարձվեն․ Սարո Սարոյան․ ՏԵՍԱՆՅՈւԹ
Քաղաքականություն
10.04.2023 | 20:02
Այսօր Սիսիանի Բնունիս գյուղ երկու ադրբեջանցի են մտել, որոնցից մեկին գյուղացիները բռնել են, իսկ մյուսին դեռևս որոնում են։ Բռնված ադրբեջանցին սկզբում Բնունիսում է եղել, բայց հայտնաբերվել է Աշոտավան գյուղի փողոցում։ Բացի այդ, օրեր առաջ էլ Ադրբեջանը Տեղ գյուղում էր տարածքներ զավթել։ Այս թեմայով ՀՀ կառավարության հաղորդած վերջին տեղեկությունը այն մասին էր, որ 12 կիլոմետրանոց սահմանագծից 7-ում կա բարելավում՝ նորմալ ձևով հայկական և ադրբեջանական ուժերը տեղաբաշխվել են, սակայն 5 կիլոմետրի շուրջ բանակցությունները շարունակվում են։
Քաղաքագետ Սարո Սարոյանը Factor TV-ին տված հարցազրույցում կասկած է հայտնում, որ նախապես ծրագրված է եղել հայկական տարածքների հանձնումը։ Ըստ քաղաքագետի ձևակերպման՝ ԱԱԾ-ն «սև գործը» կատարեց, թշնամուն տարածքի հանձնում եղավ։ Խոսելով հայկական գյուղում հայտնաբերված ադրբեջանցու մասին, Սարո Սարոյանը պնդեց, որ «նրան հանձնելը ամենամեծ դավաճանությունը կլինի՝ Բաքվում հայ գերիներ դեռ ունենք, որոնց խոշտանգում են։ Հայ գերիները Ադրբեջանից պիտի վերադարձվեն»,- ասաց քաղաքագետը։
Հարցազրույցն ամբողջությամբ՝ տեսանյութում։
Ռոբերտ Անանյան
