26.02.2026 | 17:07
Կբացառվեն ժանգոտված կամ վնասված գովազդային վահանակների առկայությունը ՀՀ պետական ավտոմոբիլային ճանապարհներին
Թեհրանը դրական է գնահատում է Իրանի ու Ադրբեջանի ԱԳ նախարարների վերջին հեռախոսազրույցը
Քաղաքականություն
10.04.2023 | 18:19
Իրանի ԱԳՆ մամուլի խոսնակ Նասեր Քանանին այսօրվա իր ճեպազրույցում անդրադարձել է նաև Ադրբեջանի հետ հարաբերություններին, գրում է Մեհր գործակալությունը։ Խոսելով Իրանի հետ հարաբերությունների վերաբերյալ ադրբեջանական ԶԼՄ-ներում տեղ գտած մեկնաբանություններին և Բաքվում Իրանի դեսպանի փոփոխության մասին հաղորդագրություններին, Քանանին հայտարարել է, որ ԱԳՆ-ում դիվանագիտական պաշտոնների փոփոխությունն ու վերափոխումը սովորական է, և ոչ մի նոր բան չկա Ադրբեջանի հետ կապված։
Ընդգծելով, որ Իրանը կարևորում է իր հարաբերությունները Ադրբեջանի հետ, որպես տարածաշրջանում հարևան երկրի, Քանանին կոչ է արել ադրբեջանական կողմին կենտրոնանալ ընդհանուր շահերի վրա և թույլ չտալ, որ չարաշահումներ կատարվեն այն կողմերի կողմից, որոնք ցանկանում են իրականացնել իրենց ոչ լեգիտիմ շահերը՝ տարաձայնություններ և լարվածություն ստեղծելով հարևան երկրների միջև։ Ըստ Քանանիի՝ Իրանը միշտ ընդգծել է քաղաքական շրջանակների և երկխոսության դիմելու անհրաժեշտությունը ու հավելել, որ չնայած առաջացած լարվածությանը՝ Թեհրանը փորձել է թյուրիմացությունները հարթել երկխոսության ճանապարհով։
Բաքվի կողմից վերջին քայլերն անվանելով շտապողական ու անարդյունավետ՝ Քանանին հայտարարել է, որ Իրանը դրական է գնահատում Իրանի և Ադրբեջանի բարձրաստիճան դիվանագետների վերջին հեռախոսազրույցը։
Հավելենք ապրիլի 8-ին Իրանի և Ադրբեջանի արտաքին գործերի նախարարներ Հոսեյն Ամիր Աբդոլլահիանը և Ջեյհուն Բայրամովը հեռախոսազրույցներ էին ունեցել և քննարկել Բաքվի ու Թեհրանի միջև երկկողմ հարաբերությունների զարգացումը և տարածաշրջանային որոշ խնդիրներ։
Էմմա Չոբանյան
