08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
Հայտնի է՝ ովքեր են Նախիջևանից անհետացած ու Հայաստանում հայտնված ադրբեջանցի զինծառայողները․ ԼՈՒՍԱՆԿԱՐ
Հասարակություն
10.04.2023 | 15:26
Սոցցանցերի ադրբեջանական տիրույթում տեղեկություններ են հայտնում Նախիջևանից անհետացած ու ՀՀ տարածքում հայտնված ադրբեջանցի զինծառայողների մասին։ Meydan TV-ի լրագրող Հաբիբ Մյունթեզիրը սոցիալական ցանցերի իր էջերում գրել է, որ ադրբեջանցի զինծառայողները «իրականում կորած են արդեն 5 օր»։ Նա հրապարակել է նաև զինծառայողների ինքնությունը՝ Բաքվի Սուրախանի շրջանի բնակիչ Աքշին Քաբիլ օղլու Բաբիրով և Լենքորանի բնակիչ Հուսեյն Ահլիման օղլու Ախունդով։
Հիշեցնենք, որ ՀՀ ՊՆ-ն հայտնել էր, որ ապրիլի 10-ին՝ ժամը 01:00-02:00-ն ընկած ժամանակահատվածում, Հայաստան տարածքում հայտնաբերվել և ձերբակալվել է Ադրբեջանի ԶՈՒ զինծառայող։ Ըստ նրա խոսքի՝ իր հետ եղել է ևս մեկ զինծառայող, որի որոնողական աշխատանքները շարունակվում են:
Ավելի վաղ Ադրբեջանի ՊՆ-ն հաղորդել էր , որ Նախիջևանի Ինքնավար Հանրապետությունում ադրբեջանական բանակի զինծառայողներ են անհետացել։ Ըստ հաղորդագրության՝ բանակի երկու զինծառայողներ մոլորվել են ոչ բարենպաստ եղանակային պայմանների պատճառով Շահբուզի շրջանի ուղղությամբ։
Էմմա Չոբանյան
