08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Դիարբեքիրի հայկական եկեղեցում 8 տարվա մեջ առաջին անգամ նշվել է Սուրբ Զատիկը․ ԼՈՒՍԱՆԿԱՐՆԵՐ
Հասարակություն
10.04.2023 | 14:02
Թուրքիայի քրդաբնակ Դիարբեքիր քաղաքի հայկական Սուրբ Կիրակոս եկեղեցում ութ տարվա ընդմիջումից հետո նախօրեին նշվել է Սուրբ Զատիկը, գրում են թուրքական լրատվամիջոցները։ Հայկական եկեղեցին, որը թվագրվում է 16-րդ դարի սկիզբ, թուրքական կառավարության կողմից օտարվել էր 2016 թվականին՝ Սուր պատմական թաղամասում պետական ուժերի և քուրդ զինյալների միջև բախումներից հետո, որի ժամանակ եկեղեցին վնասվել էր։ Եկեղեցին հանրության համար վերաբացվել է 2022 թվականի մայիսի 7-ին։
Արարողությունը անցկացրել են Պոլսո Հայոց պատրիարքարանի հոգևորականները, հնչել են շարականներ, աղոթքներ անցկացվել է մոմավառություն։ Հավատացյալներին նաևԶատկի համար ներկված հավկիթներ են բաժանել։
Հավելենք, որ Սուրբ Կիրակոսը Մերձավոր Արևելքի ամենամեծ հայկական եկեղեցիներից մեկն է։ 1915
թվականի Հայոց ցեղասպանության ժամանակ Դիարբեքիրում մեծ թվով հայ բնակչության կոտորածից հետո եկեղեցին մինչև 2011 թվականը չի օգտագործվել կրոնական արարողությունների համար։ Զանգակատունը ավերվել է հրետանային կրակից 1915 թվականին,
իսկ շենքը Առաջին համաշխարհային պատերազմի ժամանակ օգտագործվել է որպես բանակի զորանոց, այնուհետև՝ որպես պահեստ, իսկ ավելի ուշ՝ տեքստիլի գործարան։ 1960-ին այն վերադարձվել է Թուրքիայի փոքրաթիվ հայ համայնքի խնամքին, սակայն մնացել է լքված վիճակում մինչև 2000-ականները, երբ սկսվել է եկեղեցու վերականգնումը։
Էմմա Չոբանյան
