16.12.2025 | 16:05
Մայր Աթոռի արձագանքը՝ պատարագների ընթացքում կաթողիկոսի անունը զեղչելուն
Գետափ գյուղի մոտի կամրջի երթևեկությունը ժամանակավորապես մասամբ միակողմանի է
Հասարակություն
09.04.2023 | 13:24
Ապրիլի 7-ի լույս 8-ի գիշերը Մ-10 միջպետական ավտոճանապարհի կմ 117+042 հատվածում (Գետափ գյուղի մոտ) Եղեգիս գետի վրա կառուցված կամրջի երթևեկելի մասում գետի ջրի հոսքի պատճառով առաջացել է հողաշերտի սահք՝ ստեղծելով փլուզման վտանգ։
Ճանապարհային դեպարտամենտից տեղեկացնում են, որ տեղում ուսումնասիրություն են կատարել «Ճանապարհային դեպարտամենտ» հիմնադրամի մասնագետը, ճանապարհը սպասարկող կազմակերպության՝ «ՌաֆԷլԳրիգ» ՓԲԸ-ի աշխատակիցները, ՆԳՆ ոստիկանության ներկայացուցիչները։ Ճանապարհը սպասարկող ընկերության կողմից վթարավտանգ հատվածը առանձնացվել է բետոնե արգելապատնեշներով։ Երթևեկությունը մասամբ դարձվել է միակողմանի։
«Միջոցներ կձեռնարկվեն մինչև կամրջի հիմնանորոգումը տվյալ հատվածում երթևեկությունն անվտանգ կազմակերպելու ուղղությամբ»,- ասված է հաղորդագրության մեջ։
