24.02.2026 | 17:50
Ըստ ՌԴ Արտաքին հետախուզության ծառայության՝ Փարիզը և Լոնդոնը մտադիր են Ուկրաինային միջուկային տեխնոլոգիաներ փոխանցել
Ալիևը Բաքվում ընդունել է Սելջուկ Բայրաքթարին
Քաղաքականություն
03.04.2023 | 15:15
Ադրբեջանի նախագահ Իլհամ Ալիևը Բաքվում ընդունել է անօդաչու թռչող սարքերի արտադրող թուրքական «Բայրքար»ընկերության տեխնիկական գծով տնօրեն Սելջուկ Բայրաքթարին, որը նաև Թուրքիայի նախագահ Ռեջեփ Թայիփ Էրդողաղնի փեսան է,գրում են ադրբեջանական լրատվամիջոցները։ Թե որն է Բայրաքթարի՝ Բաքու այցի նպատակը, տեղեկություններ չեն հաղորդվում։
Հանդիպմանը Ալիևը նշել է, որ վերջին տարիներին Թուրքիայի պաշտպանական արդյունաբերությունը մեծ հաջողությունների է հասել, և «Բայքար» ընկերությունն այդ հարցում առաջատար դերակատարում է ունեցել։ Բացի այդ Ալիևը խոսել է Արցախի դեմ սանձազերծած 44-օրյա պատերազմում ընկերության արտադրանքի օգտագործման մասին։
Զրույցի ընթացքում ընդգծվել է, որ «Ադրբեջանի և Թուրքիայի միջև բարեկամական և եղբայրական հարաբերությունները հաջողությամբ զարգանում են ռազմական և պաշտպանական արդյունաբերության ոլորտում, ինչպես մյուս բոլոր ոլորտներում, և մտքերի փոխանակություն է տեղի ունեցել համագործակցության հեռանկարների շուրջ»։
Էմմա Չոբանյան
