13.12.2025 | 22:20
Ֆրանսիան հաղթեց «Մանկական Եվրատեսիլ»-ում
Կոռնիձորի համայնքապետը՝ ադրբեջանցիների առաջխաղացման մասին․ «Վերջնական համաձայնություն դեռ չկա»
Քաղաքականություն
01.04.2023 | 12:42
Տեղ-Կոռնիձոր հատվածում հայկական և ադրբեջանական կողմերի միջև ճշգրտման աշխատանքները շարունակվում են, այս պահին դեռ վերջնական համաձայնություն չկա կողմերի միջև, Factor.am-ին փոխանցեց Կոռնիձոր համայնքի ղեկավար Արշակ Կարապետյանը։
«էս պահին թեև հանգիստ վիճակ է, բայց դիրքային առումով ճշտումներ դեռ կան անելու։ Վերջնական համաձայնություն այս պահին դեռ չկա»,- հայտնեց համայնքի ղեկավարը՝ շեշտելով, որ ճշգրտումները կապված են ադրբեջանական կողմի առաջ գալու հետ։
Այլ մանրամասներ Արշակ Կարապետյանը չհայտնեց։ Տեղ համայնքի ղեկավարը թեմայի հետ կապված առհասարակ մեկնաբանություն չտվեց։
Հիշեցնենք ՝ այսօր Ազգային անվտանգության ծառայությունը հայնտել էր, թե Տեղ-Կոռնիձոր հատվածում հանդիպել են Հայաստանի և Ադրբեջանի ներկայացուցիչները, իրականացվել են սահմանի ճշգրտման աշխատանքներ, որի արդյունքում տվյալ հատվածում իրավիճակը էականորեն բարելավվել է։ Ավելի վաղ՝ ԱԱԾ-ն հայտնել էր, որ Հայաստան-Արցախ նոր՝ Կոռնիձոր-Տեղ ճանապարհի գործարկումից հետո ադրբեջանական ուժերը այդ հատվածի առնվազն 5 կետերում սահմանից 100-ից 300 մետր առաջ են տեղակայվել։
