06.06.2026 | 18:07
19-ամյա Միրա Անդրեևան` «Ռոլան Գարոսի» հաղթող
Ադրբեջանը, օգտվելով հնարավորությունից, դիրքավորվել է բարենպաստ դիրքերում. Աբրահամյան․ ՏԵՍԱՆՅՈՒԹ
Քաղաքականություն
31.03.2023 | 18:21
Ապրիլի 1-ից տեղի է ունենալու Արցախը Հայաստանին կապող ճանապարհի երթուղու փոփոխություն:
ԱԺ-ում լրագրողների հետ զրույցում «Պատիվ ունեմ» խմբակցության քարտուղար Տիգրան Աբրահամյանն անդրադառնալով դիտարկմանը, որ ադրբեջանական կողմը սահմանագծի հատվածում դեպի Հայաստան 100-300 մետր առաջ է եկել, նշեց․ «Ես կարծում եմ, որ Ադրբեջանը ոչ թե խնդիր է դրել 100 կամ 200 մետր մխրճում ապահովել, այլ եկել տեղակայվել, դիրքավորվել է այն հատվածներում, որն իր համար բարենպաստ է և իրեն հնարավորություն է տալու ինչպես ընթացիկ մարտական հերթապահության իրականացման, այնպես էլ մարտական այլ խնդիրների իրականացման համար․․․
Այստեղ ամենամեծ խնդիրներից մեկն այն է, որ ՀՀ իշխանությունները պարզապես հղում անելով Ադրբեջանի հետ բանավոր պայմանավորվածություններին, սպասել են մինչև ապրիլի 1-ին, որ կարողանան իրար հետ ձևավորել առաջնագիծը: Սա այն դեպքում, երբ հայտնի է, որ Ադրբեջանը նույնիսկ իր գրավոր պարտավորությունները չի կատարում, ուր մնաց թե բանավոր պայմանավորվածությունը կատարեր»:
Պատգամավորն ընդգծեց, որ եթե Ադրբեջանը որևէ փուլում նպատակ ունենա Սյունիքի որևէ հատվածում հարձակում իրականացնել, որևէ կաշկանդող բան չի ունենա:
Մանրամասները՝ տեսանյութում։
