29.04.2026 | 12:05
Հայաստանում շուտով կբացվի «Յուվենտուս»-ի ակադեմիան․ ղեկավարները ներկայացնում են ծրագիրը․ ՈՒՂԻՂ
Կիմ Չեն Ընի քույրն ԱՄՆ-ին սպառնացել է «ճնշող» գործողություններով
Քաղաքականություն
07.03.2023 | 22:26
Հյուսիսային Կորեայի առաջնորդի քույրը նախազգուշացրել է, որ Փհենյանն «անհապաղ և ճնշող» քայլեր կձեռնարկի ԱՄՆ-ի և Հարավային Կորեայի դեմ, գրում է VOA-ն։
Կիմ Յո Ջոնգը նախազգուշացում է արել երեքշաբթի այն բանից հետո, երբ ԱՄՆ-ը Կորեական թերակղզու վրա միջուկային B-52 ռմբակոծիչ է տեղակայել՝ Հարավային Կորեայի ինքնաթիռների հետ համատեղ զորավարժություններին մասնակցելու համար։
Դաշնակից ուժերը նույնպես պատրաստվում են շուտով վերսկսել իրենց ամենամեծ դաշտային զորավարժությունները:
Կիմ Յո Ջոնգը չի մանրամասնել ծրագրված պատասխանի մասին, սակայն Հյուսիսային Կորեան հաճախակի հրթիռներ է արձակում, երբ դաշնակիցները զորավարժություններ են անցկացնում, քանի որ Փհենյանը դրանք դիտարկում է որպես ներխուժման փորձ:
Տաթև Ֆռանգյան
