14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
ԱՄՆ պետքարտուղար Բլինքենը Ղազախստանում է, որտեղից կմեկնի Ուզբեկստան
Քաղաքականություն
28.02.2023 | 12:40
ԱՄՆ պետքարտուղար Էնթոնի Բլինքենը մեկնել է Ղազախստանի մայրաքաղաք Աստանա, որտեղ կհանդիպի նախագահ Կասիմ-Ժոմարտ Տոկաևի, ինչպես նաև՝ Կենտրոնական Ասիայի բոլոր հինգ երկրների արտգործնախարարների հետ։ Ղազախստանից նա կմեկնի Ուզբեկստան, հաղորդում է BBC-ի ռուսական ծառայությունը։ ԱՄՆ պետքարտուղարն արդեն բանակցություններ է վարել Ղազախստանի փոխվարչապետ, արտաքին գործերի նախարար Մուխթար Թլեյբերդիի հետ։
Ըստ աղբյուրի՝ չնայած երկարաժամկետ կապերին և Ռուսաստանից կախվածությանը, Կենտրոնական Ասիայի երկրներն ընդգծված չեզոք դիրքորոշում են որդեգրել Ուկրաինայի հետ պատերազմի հարցում: Ղազախստանի նախագահն անցած ամառ, Վլադիմիր Պուտինի կողքին նստած, նույնիսկ բացահայտ հայտարարեց, որ իր երկիրը չի ճանաչի Դոնեցկի ու Լուգանսկի ժողովրդական հանրապետությունների անկախությունը։ Իսկ անցյալ շաբաթ ՄԱԿ-ի Գլխավոր ասամբլեայում Ուկրաինայից ռուսական զորքերի անհապաղ դուրսբերման պահանջով բանաձևի քվեարկության ժամանակ Կենտրոնական Ասիայի բոլոր երկրները կամ ձեռնպահ մնացին կամ չմասնակցեցին քվեարկությանը:
BBC-ի ռուսական ծառայությունն արձանագրում է, որ այդ երկրները, միևնույն ժամանակ, ապացուցեցին, որ օգտակար են Ռուսաստանի համար՝ որպես միջնորդներ Արևմուտքից ապրանքներ ներկրելու հարցում։
Հարավային և Կենտրոնական Ասիայի հարցերով պետքարտուղարի օգնական Դոնալդ Լյուն, որը մինչև 2021 թ․եղել է Ղրղզստանում ԱՄՆ դեսպանը, հայտարարել է, որ Վաշինգտոնը կարծում է՝ կարող է Կենտրոնական Ասիային առաջարկել ոչ միայն «ինչ-որ բան տնտեսական ներգրավվածության, այլև արժեքների ոլորտում»։
Տաթև Ֆռանգյան
