20.04.2026 | 11:56
Երկու շաբաթվա ընթացքում 8 նոր ավտոբուսի գումար ենք հավաքագրել. Տիգրան Ավինյան․ ՏԵՍԱՆՅՈՒԹ
Ստոլտենբերգը հայտնել է, որ Էրդողանի հետ պայմանավորվել են վերսկսել ՆԱՏՕ-ին Շվեդիայի և Ֆինլանդիայի միանալու շուրջ բանակցությունները
Քաղաքականություն
24.02.2023 | 18:23
Թուրքիան, Ֆինլանդիան և Շվեդիան մարտին կքննարկեն ՆԱՏՕ-ին Սկանդինավյան այս երկրների անդամակցության հարցը: Այս մասին հայտարարել է դաշինքի ղեկավար Յենս Ստոլտենբերգը Էստոնիայի վարչապետ Կայա Կալլասի ու Եվրահանձնաժողովի ղեկավար Ուրսուլա ֆոն դեր Լեյենի հետ Տալինում կայացած համատեղ մամուլի ասուլիսում։
«Անցյալ շաբաթ Անկարայում լավ քննարկումներ ունեցա նախագահ Էրդողանի հետ։ Մենք պայմանավորվեցինք վերսկսել բանակցությունները և մարտի կեսերին իմ հովանու ներքո եռակողմ հանդիպում հրավիրել Ֆինլանդիայի, Շվեդիայի և Թուրքիայի միջև ՆԱՏՕ-ի կենտրոնակայանում՝ քննարկելու անցյալ տարվա հունիսին ձեռք բերված համաձայնագրի կատարման ընթացքը և անդամակցության գործընթացն ավարտին հասցնելու հարցը»,- ասել է Ստոլտենբերգը։
Նա նշել է, որ հաջորդ շաբաթ էլ Հունգարիայի խորհրդարանն է սկսելու հայտերի վավերացման գործընթացը։
«Մեր նպատակն է, որ Ֆինլանդիան և Շվեդիան միանան դաշինքին հնարավորինս շուտ։ Դա կամրապնդի նրանց անվտանգությունը, կամրապնդի Եվրոպայի անվտանգությունը, կամրապնդի ՆԱՏՕ-ն»,- ասել է ՆԱՏՕ-ի գլխավոր քարտուղարը։
Էմմա Չոբանյան
