05.11.2024 | 17:59
Մեկնարկել են Ամանորի նախապատրաստությունները` առանց պայմանագրի հրապարակման. ո՞ր ընկերությունն է իրականացնում այդ աշխատանքները
ՌԴ-ն Չինաստանի հետ բանակցում է կամիկաձե անօդաչուների մատակարարման հարցով․ Spiegel
Քաղաքականություն
24.02.2023 | 18:43
Գերմանական Spiegel պարբերականը պնդում է, որ Ռուսաստանը բանակցում է Չինաստանի հետ կամիկաձե անօդաչու սարքերի մատակարարման հարցով, և Չինաստանը պատրաստ է ռուսներին փորձնական խմբաքանակ՝ 100 անօդաչուներ ուղարկել արդեն ապրիլին, գրում է BBC-ի ռուսական ծառայությունը։
Spiegel-ը չի բացահայտում տեղեկատվության իր աղբյուրներին, իսկ այլ աղբյուրներից հաստատող կամ հերքող տեղեկություններ դեռևս չկան։
Ավելի վաղ ամերիկյան մամուլը գրել էր, որ ԱՄՆ վարչակազմը մտածում է՝ հրապարակե՞լ, արդյոք, իր հետախուզական տվյալներն այն մասին, որ Չինաստանը դիտարկում է դեմ ու կողմ փաստարկները Ռուսաստանին զենքի մատակարարման հարցում։
Փետրվարի 23-ին ՆԱՏՕ-ի գլխավոր քարտուղար Յենս Ստոլտենբերգը հայտնել էր, որ ՆԱՏՕ-ն նման տվյալներ ունի։
Spiegel-ի տվյալներով՝ անօդաչուներ արտադրող չինական Xian Binguo ընկերությունը ռուսներին հայտնել է, որ արտադրել ու մատակարարել է իր ZT-180 անօդաչու թռչող սարքի 100 նախատիպ։ Լրատվամիջոցը գրում է, որ այդ կամիկաձե անօդաչուն իր բնութագրերով հիշեցնում է իրանական Shahed-136-ը և կարող է կրել 35-50 կգ կշռող մարտագլխիկ։
Էմմա Չոբանյան
