20.04.2026 | 15:04
ՀԱՊԿ-ը Հարավային Կովկասում երկարատև խաղաղության ունի՝ Բաքվի և Երևանի միջև համաձայնագրից հետո․ Մասադիկով
Թուրքիայի քրդամետ կուսակցությունն Էրդողանին կոչ է անում հրաժարական տալ՝ երկրաշարժին համարժեք չարձագանքելու համար
Քաղաքականություն
17.02.2023 | 22:15
Թուրքիայի քրդամետ Ժողովուրդների դեմոկրատական կուսակցության (HDP) համանախագահ Փերվին Բուլդանը նախագահ Ռեջեփ Թայիփ Էրդողանին կոչ է արել հրաժարական տալ՝ ավերիչ երկրաշարժերին համարժեք արձագանքի ձախողման պատճառով, գրում են տեղական լրատվամիջոցները։
«Նրանք, որոնք այսօր պետք է հրաժարական տային, մատները թափահարում են նրանց վրա, որոնք օգնում են։ Նրանք, որոնք պետք է հրաժարական տային, խանգարում են օգնություն տրամադրել փորձողներին։ Եթե այս իշխանությունը մի քիչ խիղճ ունենար, բոլորը, այդ թվում՝ նախագահը, պետք է հրաժարական տային երկու օր հետո (երկրաշարժներից)։ Բայց նրանցից ոչ ոք քաջություն և խիղճ չունի դա անելու»,- ասել է Բուլդանը Գազիանթեփ կատարած այցի ժամանակ, որը երկրաշարժից տուժած նահանգներից է։
Նա նաև նշել է, որ մահվան պաշտոնական ցուցանիշները չեն արտացոլում իրականությունը, քանի որ հազարավոր մարմիններ դեռ փլատակների տակ են։
Անդրադառնալով կառավարության կողմից AHBAP-ի և HDP-ի օգնության ջանքերի թիրախավորմանը՝ Բուլդանն ասել է․ «Մենք տեսնում ենք, որ AKP-MHP (Ազգայնական շարժում կուսակցություն) կառավարումը, որը երկրաշարժերից հետո առաջին 2-3 օրերին ոչ մի տեղ չկար, վերջին շրջանում կանխում է օգնության ջանքերը և կանգնեցնում հասարակական կազմակերպություններին ու կամավորներին, հատկապես՝ HDP-ի»։
Նշենք, որ երկրաշարժի առաջին իսկ օրից իշխող կոալիցիան փորձում է մենաշնորհել օգնության բաշխումը Աղետների և արտակարգ իրավիճակների կառավարման մարմնի (AFAD) ձեռքում։
Էմմա Չոբանյան
