14.12.2025 | 10:52
Ինքնաթիռով տեղափոխումը անցանկալի հետևանքներ կունենար․ նոր մանրամասներ՝ Նոր Նորքում հայտնված «Կարմիր մահիկի» մեքենայի մասին
ԵՄ գագաթնաժողովի մասնակիցները համաձայնության չեն հասել Ուկրաինայի համար զինամթերքի համատեղ գնման հարցում
Քաղաքականություն
10.02.2023 | 18:08
Եվրամիության երկրները չեն կարողացել համաձայնության գալ Ուկրաինայի համար զինամթերքի համատեղ գնման առաջարկի շուրջ։ Այս մասին հայտարարել է Լեհաստանի վարչապետ Մատեուշ Մորավեցկին ԵՄ գագաթնաժողովից հետո կայացած մամուլի ասուլիսում, գրում է BBC-ի ռուսական ծառայությունը։
«Մենք երեկ ուշ երեկոյան քննարկել ենք զինամթերքի մատակարարումը, որն այժմ իսկապես անհրաժեշտ է Ուկրաինային: Որոշ երկրների կողմից դրական արձագանք չի եղել մեր առաջարկին»,- ասել է նա՝ չհստակեցնելով, թե որ երկրների մասին է խոսքը։
Մորավեցկիի կարծիքով՝ ընդհանուր գնումները, ընդհանուր պատվերը կբխեին ԵՄ-ի, ՆԱՏՕ-ի և Ուկրաինայի շահերից։
«Բայց ինչպես տանկերի մասին քննարկումն ի սկզբանե միանգամայն անհնար էր թվում, ինչպես Patriot-ների մասին քննարկումը հետ մղվեց, այնպես էլ, կարծում եմ, ԵՄ հաջորդ գագաթնաժողովում կվերադառնանք զինամթերքի թեմային»,- ասել է Լեհաստանի վարչապետը։
Հավելենք, որ այս գաղափարը քննարկվում է դեռևս նախորդ տարվա աշնանից։
Էմմա Չոբանյան
