25.06.2026 | 09:33
ՀՀ տարածքում ավտոճանապարհներն անցանելի են
ՄԱԿ-ը մտահոգ է Լաչինի միջանցքի շուրջ իրավիճակով․ գլխավոր քարտուղարի փոխխոսնակ
Քաղաքականություն
01.02.2023 | 11:24
ՄԱԿ-ի գլխավոր քարտուղարի փոխխոսնակ Ֆարհան Հաքը նախօրեի ճեպազրույցում անդրադարձել է Լաչինի միջանցքի շուրջ իրավիճակին։
Պատասխանելով հարցին, թե ՄԱԿ-ի երկրի թիմ կա՞ Լեռնային Ղարաբաղում, Հայաստանում կամ Ադրբեջանում և նրանցից որևէ նորություն ունե՞ն Լաչինի միջանցքի իրավիճակի վերաբերյալ, խոսնակը նշել է, որ մտագոհ են իրավիճակով։
«Մենք հստակ հայտնել ենք մեր մտահոգությունները Լաչինի միջանցքում տիրող իրավիճակի վերաբերյալ: ՄԱԿ-ի թիմերը Հայաստանում ու Ադրբեջանում շարունակում են բաց պահել ուղիները իշխանությունների ու միջազգային գործընկերների հետ և պատրաստ են արձագանքել, հենց պայմանները թույլ տան»,-ասել է Հաքը՝ հավելելով․
«Մենք ուզում ենք համոզվել, որ Լաչինի միջանցքը ունակ է գործել, և գիտեք, որ գլխավոր քարտուղարը կոչ է արել բոլոր կողմերին ապաէսկալացնել լարվածությունը և ապահովել Լաչինի միջանցքում ազատ ու անվտանգ տեղաշարժը նախկինում ձեռք բերված պայմանավորվածությունների համաձայն ու իր աջակցությունն է հայտնում շարունակվող միջնորդական ջանքերին»։
Հավելենք, որ Ադրբեջանի իշխանությունները Լաչինի միջանցքը փակ են պահում արդեն 52 օր։
Էմմա Չոբանյան
