26.02.2026 | 21:37
Իսրայելը և Հնդկաստանը ստորագրել են 16 հուշագիր` խորացնելով ռազմավարական գործընկերությունը
Ֆրանսիայում համընդհանուր գործադուլի երկրորդ ալիքն է․ կողմերի դիրքորոշումները կոշտանում են
Քաղաքականություն
31.01.2023 | 22:16
Ֆրանսիայում համընդհանուր գործադուլի երկրորդ ալիքն է ընդդեմ կենսաթոշակային բարեփոխումների։ Արհմիություններն ակնկալում են, որ ավելի քան մեկ միլիոն մարդ դուրս կգա փողոց, գրում է Euronews-ը:
Երկու կողմերի դիրքորոշումները գնալով ավելի են կոշտանում, քանի որ օրենսդիրները խորհրդարանում սկսում են վիճել աղմկահարույց օրինագծի շուրջ: Նախագահ Էմանուել Մակրոնը բարեփոխումներն անվանել է «անհրաժեշտ», ավելի վաղ վարչապետ Էլիզաբեթ Բորնն ասել էր, որ կենսաթոշակային տարիքը մինչև 64 տարեկան բարձրացնելը «այլևս քննարկման ենթակա չէ»:
Գործադուլների ու բողոքի ցույցերի մասնակիցները համաձայն չեն այս մոտեցման հետ։ Հունվարի 19-ին գրանցված վերջին գործադուլին, ըստ արհմիությունների, մասնակցել է շուրջ 2 միլիոն մարդ: Ներքին գործերի նախարար Ժերալդ Դարմանինի խոսքով՝ մոբիլիզացվել է 11 հազար ոստիկան ու ժանդարմ։
Տաթև Ֆռանգյան
