20.04.2026 | 19:26
Կապան-Խոտանան ճանապարհին մեքենան ձորն է գլորվել. կա տուժած
Ալիևը հայտարարել է, թե Ադրբեջանի նավթագազային պաշարները թույլ են տալիս «առնվազն 100 տարի Եվրոպայի համար լինել հուսալի գործընկեր»
Քաղաքականություն
31.01.2023 | 12:24
Հունգարիայի վարչապետ Վիկտոր Օրբանը նախօրեին Ադրբեջանի նախագահ Իլհամ Ալիևի հետ մամուլի ասուլիսում հայտարարել է, թե Բաքուն ռազմավարական գործընկեր է ողջ Եվրոպայի համար էներգետիկ անվտանգության ապահովման հարցում, գրում են ադրբեջանական լրատվականները։
«Այսօր միջազգային հարաբերություններում մթնոլորտը շատ ավելի վտանգավոր է, քան նախկինում։ Մեր հարևանությամբ տեղի ունեցող պատերազմը (Ուկրաինայում) և Բրյուսելի պատժամիջոցները չափազանց վտանգավոր իրավիճակ են ստեղծել Հունգարիայի համար, մեր էներգետիկ անվտանգությունը, Եվրոպայի էներգետիկ անվտանգությունը հայտնվել են խոցելի իրավիճակում։ Ադրբեջանը միշտ եղել է մեր ընկերը, իսկ այսօր սա երկիր է, որը հանդիսանում է ամբողջ Եվրոպայի համար ռազմավարական գործընկեր»,-ասել է Օրբանը։
Ալիևն էլ իր հերթին հայտարարել է, թե Հունգարիան ոչ միայն ադրբեջանական գազի սպառող է լինելու, այլև եվրոպական երկրներ այդ գազի տարանցման երկիր։
«Այսօրվա աշխարհում էներգետիկ անվտանգության հարցերն ունեն հատուկ նշանակություն և, կարծում եմ, դրանք գտնվում են համաշխարհային օրակարգի առաջին շարքերում։ Ադրբեջանի հարուստ նավթագազյին ռեսուրսները մեզ թույլ են տալիս երկար տարիներ՝ առնվազն 100 տարի, Եվրոպայի համար լինել հուսալի գործընկեր բնական գազի ոլորտում։ Եվրահանձնաժողովի ղեկավարությունը հենց այդպես էլ անվանում է․ Ադրբեջանը՝ հուսալի գործընկեր»,-ասել է Ալիևը՝ մեջբերելով Եվրահանձնաժողովի ղեկավար Ուրսուլա ֆոն դեր Լեյենին։
Էմմա Չոբանյան
