30.06.2026 | 10:26
Մոնակոյում բնակելի շենքում պայթյուն է որոտացել․ ուկրաինացի գործարար է վիրավորվել
Մոսկվան նպատակ ունի խթանել «3+3» տարածաշրջային ձևաչափը․ ՌԴ ԱԳՆ
Քաղաքականություն
30.01.2023 | 18:53
Մոսկվան նպատակ ունի առաջ մղել «3+3» տարածաշրջանային ձևաչափը։ Այս մասին ասվում է 2022թ-ի ամփոփոչ մամուլի ասուլիսում ԶԼՄ-ի հարցերին ՌԴ ԱԳՆ պատասխանում։
«Մենք նպատակ ունենք առաջ մղել 2021 թվականի դեկտեմբերին մեկնարկած «3+3» խորհրդատվական տարածաշրջանային պլատֆորմի աշխատանքը (Ադրբեջան, Հայաստան, Վրաստան, ինչպես նաև Ռուսաստան, Իրան և Թուրքիա): Այս հարթակը, որտեղ նախատեսվում է կենտրոնանալ տարածաշրջանային խաղացողների շահերից ելնելով համագործակցության ամրապնդման գործնական խնդիրների վրա, համարում ենք օգտակար և ժամանակին»,-ասվում է պատասխանում։ ՌԴ ԱԳՆ-ն անդրադառնում է նաև Հայաստան-Թուրքիա հարաբերությունների կարգավորմանը։
«Ինչ վերաբերվում է Անկարայի ու Երևանի միջև հարաբերությունների կարգավորմանը, ապա դրա մեկնարկը հենց ռուսական հովանու ներքո է տրվել 2022 թ-ի հունվարին, երբ Մոսկվայում առաջին անգամ հանդիպեցին Հայաստանի ու Թուրքիայի հատուկ ներկայացուցիչներ Ռուբեն Ռուբինյանն ու Սերդար Քըլըչը։ Երկուսի հետ էլ սերտ կապի մեջ ենք մինչ օրս։ Մենք ողջունում ենք վերջին զարգացումները, որոնք հեռանկարներ են բացում հայ-թուրքական կապերի վերականգնման համար, ինչը կնպաստի տարածաշրջանային իրավիճակի հետագա բարելավմանը»,-ասվում է պատասխանում։
Էմմա Չոբանյան
