17.08.2026 | 10:34
ՊԵԿ նախկին պաշտոնյայից պահանջվում է բռնագանձել անշարժ գույք, մեքենաներ և ավելի քան 194 մլն դրամ
Ադրբեջանում 44-օրյա պատերազմի հերթական մասնակիցն է ինքնահրկիզվել․ ԼՈՒՍԱՆԿԱՐ
Քաղաքականություն
26.01.2023 | 23:16
Ադրբեջանում Արցախյան 44-օրյա պատերազմի մասնակիցների շրջանում հերթական ինքնահրկիզման դեպքն է տեղի ունեցել, հաղորդում են ադրբեջանական լրատվամիջոցները։
Նշվում է, որ այդ քայլին դիմել է Հիքմեթ Սալմանզադեն, որին առողջական խնդիրների պատճառով անհրաժեշտ է հոգեբույժ և հոգեբան, սակայն Նարիմանովի շրջանում գտնվող Հոգեկան առողջության կենտրոնում ոչ մի բժիշկ նրան չի ընդունել ու չի հարցրել նրա խնդիրների մասին։ Առողջության կենտրոնից պատճառաբանել են, որ աշխատանքային ժամն ավարտվել է։ Ի նշան բողոքի՝ Սալմանզադեն ինքնահրկիզվել է։
Հաղորդվում է, որ այրվել է նրա մարմնի 15-20 տոկոսը։ Այժմ բժիշկների հսկողության տակ է։
Հավելենք, որ ընդհանուր առմամբ, Ադրբեջանում պատերազմի չորս տանսյակից ավելի մասնակից է կյանքին վերջ տվել, հիմնականում՝ ինքնահրկիզման, կախվելու միջոցով, 50-ից ավելին էլ ինքնասպանության փորձ է կատարել։
Իշխանությունների անտարբերության, սոցիալական, առողջական ու տարբեր խնդիրների չլուծման պատճառով պատերազմի մասնակից ադրբեջանցիները դիմում են նման քայլի։ Նրանք նաև պարբերաբար բողոքի տարբեր ակցիաներ են կազմակերպում։
Էմմա Չոբանյան
