25.11.2024 | 14:46
Վրաստանի իշխող կուսակցությունն արագացնում է նոր նախագահի ընտրությունը
ԵՄ-ում Ադրբեջանի առաքելության ղեկավարը դժգոհել է, որ Բայրամովին չեն հրավիրել Եվրախորհրդարան՝ ի տարբերություն Միրզոյանի
Քաղաքականություն
23.01.2023 | 13:46
ԵՄ-ում Ադրբեջանի առաքելության ղեկավար, Բելգիայում և Լյուքսեմբուրգում դեսպան Վագիֆ Սադիկովը դժգոհել է, որ Ադրբեջանի ԱԳ նախարար Ջեյհուն Բայրամովը չի հրավիրվել Բրյուսել՝ մասնակցելու Եվրախորհրդարանի արտաքին հարաբերությունների հանձնաժողովի նիստին։
«Հայաստանի ԱԳ նախարարը հրավիրվել է Եվրախորհրդարանում Հայաստան-Ադրբեջան հարցով ելույթ ունենալու։ Ինչպես միշտ՝ Ադրբեջանը չի հրավիրվել։ Ես սիրում եմ Եվրախորհրդարանի «հավասարությունը» գործողության մեջ: Այն անգամ ժամանակ չի ծախսում Ադրբեջանի նկատմամբ դեմ կողմնակալությունը թաքցնելու համար»,- գրել է Սադիկովը Թվիթերում։
Նշենք, որ ՀՀ ԱԳ նախարար Արարատ Միրզոյանն աշխատանքային այցով Բրյուսելում է։ Նա Եվրոպական խորհրդարանի արտաքին հարաբերությունների հանձնաժողովում հանդես է գալու ելույթով, որտեղ անդրադարձ է կատարելու Հարավային Կովկասում կայունության և անվտանգության խնդիրներին, Լաչինի միջանցքի արգելափակման հետևանքով Լեռնային Ղարաբաղում ստեղծված հումանիտար ճգնաժամին, Հայաստան-Ադրբեջան կարգավորման գործընթացին, ՀՀ-ԵՄ փոխգործակցությանը։ ԱԳ նախարարը նաև պատասխանելու է Եվրոպական խորհրդարանի անդամների հարցերին։
Էմմա Չոբանյան
