19.12.2025 | 02:04
Կոնֆերենցիաների լիգա․ Վահան Բիչախչյանը՝ գոլի հեղինակ․ ՏԵՍԱՆՅՈՒԹ
Աշխատողը բողոքում է, երբ աշխատանքային հարաբերություններն արդեն դադարած են լինում. Արաքս Մելքոնյան․ ՏԵՍԱՆՅՈՒԹ
Հասարակություն
20.01.2023 | 10:49
Աշխատանքային իրավունքների պաշտպանության ոլորտում լուրջ փոփոխություններ էին նախատեսվում Մարդու իրավունքների ազգային ռազմավարությունում, նաև Աշխատանքային օրենսգրքում փոփոխությունների լայն փաթեթ էր շրջանառվում։ Առողջապահական և աշխատանքի տեսչական մարմնի այսօր հրավիրած «ԱԱՏՄգործունեության առանձնահատկությունները և խնդիրները աշխատանքային իրավունքի ոլորտում» թեմայով ասուլիսում այս մասին նշեց «Իրավունքների պաշտպանություն առանց սահմանների» ՀԿ նախագահ Արաքս Մելքոնյանը։
«Մենք տարբեր գործընկերների հետ աշխատել ենք և առաջարկներ ենք ներկայացրել, հուսով եմ, որ այդ առաջարկները տեղ կգտնեն օրենսգրքում, դեռևս գործընթացը ընթացքի մեջ է։ Ծրագիրն իրականացվում է ԵՄ-ն հանուն աշխատանքային իրավունքների շրջանակներում, այն ֆինանսավորվում է ԵՄ կողմից»,- նշեց Մելքոնյանը։
Ինչպիսի մեխանիզմներ ունի ՀՀ-ն աշխատանքային իրավունքների պաշտպանության համար, որքանով են դրանք արդյունավետ և ինչ զարգացումներ կարող են ունենալ և կատարելագործվել այդ մեխանիզմները։ Այս ծրագրի շրջանակներում ուսումնասիրվել է պետական վերահսկողության իրականացումը տեսչական մարմնի կողմից։ Արդյոք այն բավարար է, արդյոք համապատասխանում է ՀՀ միջազգային պարտավորություններին, արդյոք մարմինն ունի բավարար ռեսուրսներ ու ընթացակարգեր իր առջև դրված բազմաթիվ լիազորություններն իրականացնելու համար։
Մելքոնյանի խոսքով՝ 2021թ․ հուլիսի 1-ից իրավական ուժ ստացավ Աշխատանքային օրենսգրքի փոփոխությունը, որով տեսչական մարմինը, ի լրումն այլ պայմանների դիտարկումների, վերահսկողություն է իրականացնում գործատուների կողմից աշխատանքային օրենսգրքի, Աշխատանքային իրավունքի այլ նորմեր պարունակող իրավական ակտերի, պայմանագրերի, այդ թվում՝ անհատական և կոլեկտիվ պայմանագրերով նախատեսված դրույթների իրականացման վրա, նաև ստանում է բողոքներ աշխատողներից։
«Փորձը ցույց տվեց, որ աշխատողները հիմնականում բողոք են ներկայացնում այն ժամանակ, երբ աշխատանքային հարաբերությունները դադարած են լինում գործատուի հետ, և հիմնականում նման բողոքներ ներկայացնում են մասնավոր ոլորտի գործատուների դեմ։
Այս համատեքստում շատ կարևոր է հասկանալ, թե ինչ գործառույթներ ունի ԱԱՏՄ-ն վերահսկողական լիազորությունների շրջանակներում, արդյոք կատարում է պատշաճորեն, և ինչ խնդիրներ կան այս ոլորտում»,- ընդգծեց Մելքոնյանը։
Մանրամասները՝ տեսանյութում։
