24.02.2026 | 18:18
Վահագն Խաչատուրյանին իր հավատարմագրերն է հանձնել ՀՀ-ում Պաղեստինի առաջին դեսպան Իսա Կասիսիենին
Զինծառայողների մահվան դեպքի առթիվ քրեական վարույթ է նախաձեռնվել
Հասարակություն
19.01.2023 | 11:17
Այսօր գիշերը ՊՆ N զորամասի ինժեներասակրավորային վաշտի կացարանում բռնկված, 15 զինծառայողի մահվան ելքով հրդեհի դեպքի առթիվ քրական վարույթ է նախաձեռնվել Քրեական օրենսգրքի 532-րդ հոդվածի 4-րդ մասով։ Այս մասին Կառավարության նիստի ընթացքում ասած Քննչական կոմիտեի նախագահ Արգիշտի Քյարամյանը։
Խոսքը զենքի, ռազմամթերքի, ռազմական տեխնիկայի կամ ռազմական այլ գույքի, ռադիոակտիվ նյութի, պայթուցիկ կամ շրջապատի համար առավել վտանգ ներկայացնող այլ նյութի, սարքի կամ առարկայի հետ վարվելու կանոն խախտելու մասին է, որն անզգուշությամբ առաջացրել է երկու կամ ավելի անձանց մահ։
Հիշեցնենք, որ հունվարի 19-ին՝ ժամը 01:30-ի սահմաններում հրդեհ է բռնկվել Գեղարքունիքի մարզի Ազատ գյուղի տարածքում տեղակայված ՀՀ ՊՆ N զորամասի ինժեներասակրավորային վաշտի կացարանում։ Բռնկված հրդեհի հետևանքով զոհվել է 15 զինծառայող, 3 զինծառայողի վիճակը գնահատվում է ծանր:
