23.04.2026 | 15:27
Գերմանիան Ուկրաինայի և Լատվիայի քաղաքացիների է ձերբակալել դիվերսիաներ նախապատրաստելու կասկածանքով
Տեղի է ունեցել Ադրբեջանի ներկայացուցչի և ԼՂ ներկայացուցիչների հանդիպում․ Լաչինի միջանցքի շուրջ հարցը կկարգավորվի․ Լավրով
Քաղաքականություն
18.01.2023 | 15:56
Առաջիկայում Լաչինի միջանցքի շուրջ հարցը կկարգավորվի։ Այս մասին ամենամյա ամփոփիչ ասուլիսում ասել է ՌԴ ԱԳ նախարար Սերգեյ Լավրովը։
«Տեղի է ունեցել հանդիպում Ադրբեջանի ներկայացուցչի և Ղարաբաղի ներկայացուցիչների միջև՝ ռուսական զորախմբի հրամանատարի մասնակցությամբ։ Կարծում եմ, որ առաջիկայում այդ հարցը կլուծվի»,- ասել է Լավրովը։
Նա նշել է, որ երեկ զրուցել է Ադրբեջանի արտգործնախարար Ջեյհուն Բայրամովի հետ և հիշեցրել, որ Լաչինի միջանցքը, 2020 թվականի նոյեմբերի 9-ի եռակողմ հայտարարության համաձայն, պետք է ազատ լինի ապրանքների, քաղաքացիների և տրանսպորտային միջոցների երկկողմանի անցման համար։ Լավրովը նշել է, որ հայտարարության մեջ առանձին ամրագրված է, որ այս ճանապարհով չպետք է ռազմական բեռներ ուղարկվեն։
«Ադրբեջանցիները տվյալներ են ներկայացրել, հիմա մեր զինվորականները դրանք ուսումնասիրում են, որ հայկական կողմն ականներ է տեղափոխել այս միջանցքով, հետո այդ ականները, խախտելով եռակողմ պայմանավորվածությունները, օգտագործվել են, ականապատվել ադրբեջանական դիրքերին հարող տարածքները։ Փոխադարձ շատ մեղադրանքներ կան»,- ասել է Լավրովը։
Տաթև Ֆռանգյան
