07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
ՀՀ-ում կանաչ ջրածնի արտադրության ցուցանմուշի կառուցման համար ընտրվել է ֆրանսիական Solges Energy ընկերությունը
Տնտեսություն
11.01.2023 | 22:54
Ֆրանսիայի Էկոնոմիկայի, ֆինանսների և արդյունաբերության նախարարության գանձապետարանի գլխավոր վարչության կողմից հայտարարված մրցույթի շրջանակում 2022 թվականի դեկտեմբերին ընտրվել է Solges Energy ընկերությունը՝ Հայաստանում կանաչ ջրածնի արտադրության ցուցանմուշի կառուցման համար: Այս մասին տեղեկանում ենք ՀՀ-ում Ֆրանսիայի դեսպանության ֆեյսբուքյան էջից։
Այս ծրագիրը կօգտվի «Մասնավոր սեկտորի աջակցության հիմնադրամի» (FASEP) կողմից իրականացվող ծրագրի 500 հազար եվրո դրամաշնորհից: Ծրագիրը կիրականացվի ձեռնարկության կողմից՝ Հայաստանի կառավարության և ոլորտի ֆրանսիական դերակատարների՝ McPhy-ի, Helion-ի, Voltec Solar-ի, Elogen-ի և CNRS-ի հետ գործընկերությամբ: Այս նախաձեռնությունը նոր փուլ է Հայաստանում կանաչ էներգիայի ոլորտում ֆրանսիական փորձը զարգացնելու և երկրի էներգետիկ անկախությանն աջակցելու գործում:
