Թուրքերի մեծամասնությունը կարծում է, որ ժողովուրդը պետք է անվանի ընդդիմության նախագահի թեկնածուին

Թուրքիայի հանրահայտ Metropoll Research-ը նոր հարցում է անցկացրել, որի մասնակիցներին հարցրել են, թե «Ըստ նրանց ինչպե՞ս պետք է ընտրվի ընդդիմադիր դաշինքի նախագահի թեկնածուն» առաջիկա ընտրությունների համար, որոնք նախատեսված է անցկացնել 2023 թվականի հունիսին, գրում են թուրքական լրատվամիջոցները։

Հարցվածների 61,1 տոկոսը հարցին պատասխանել է՝ ասելով, որ «դա պետք է հիմնված լինի հանրության ընտրության վրա», մինչդեռ 20 տոկոսն ասել է, որ «Վեցնյակը պետք է ընտրի նրան»։ Հարցման արդյունքները թվիթերում հրապարակել է ընկերության սեփականատեր Օզեր Սենջարը։
Վեցնյակը իրենից ներկայացնում է 6 ընդդիմադիր կուսակցությունների դաշինքը է, որը բաղկացած է Ժողովրդահանրապետական կուսակցությունից (CHP), İYİ (Լավ) կուսակցությունից, Երջանկություն (Saadet) կուսակցությունից, Դեմոկրատական կուսակցությունից (DP), DEVA (Ժողովրդավարություն և առաջադիմություն) կուսակցությունից և Ապագա (Gelecek) կուսակցությունից։
Վեց կուսակցությունների առաջնորդները պարբերաբար հանդիպում են և քննարկում, թե իշխանության գալու դեպքում ինչպես են մոտենալու ընտրություններին և վերափոխելու երկրի քաղաքական համակարգը։
Հարցվածների 11,10 տոկոսն ասել է, որ բոլոր ընդդիմադիր կուսակցությունները պետք է ներգրավվեն առաջադրման գործընթացում։Օրինակ, քրդամետ Ժողովուրդների դեմոկրատական կուսակցությունը (HDP), պաշտոնապես վեցնյակի կազմում ընդգրկված չէ։ ԱԶԿ-ի հարցվածների 62,2 տոկոսն էլ ասել է, որ ընդդիմության թեկնածուն պետք է հայտնի լինի հանրության կողմից, մինչդեռ CHP-ի ընտրողների համար այս ցուցանիշը նվազում է մինչև 52,7 տոկոս:
ԱԶԿ-ի հարցվածների 10,2 տոկոսն ասել է, որ ընդդիմադիր վեց կուսակցությունների առաջնորդները պետք է որոշեն իրենց թեկնածուին, մինչդեռ CHP-ի դեպքում այս ցուցանիշը 36,5 տոկոս է, իսկ İYİ կուսակցության համար՝ 34,6։
Նախագահ Ռեջեփ Թայիփ Էրդողանն արդեն հայտարարել է նախագահի պաշտոնում առաջադրվելու մասին։  CHP-ի որոշ գործիչներ նշում են, որ իրենց միասնական թեկնածուն կլինի Քեմալ Քըլըչդարօղլուն, սակայն պաշտոնական հայտարարություն դեռևս չկա։
Որոշ փորձագետներ էլ նշում են, որ CHP-ից Ստամբուլի քաղաքապետ Էքրեմ Իմամօղլուն կամ Անկարայի քաղաքապետ Մանսուր Յավաշը պետք է առաջադրվեն նախագահական ընտրություններում, քանի որ Քըլըչդարօղլուն չի կարող բավարար քանակությամբ պահպանողական ընտրողների ներգրավել:

Էմմա Չոբանյան