14.12.2024 | 12:52
NYMEX. Թանկարժեք մետաղների գները նվազել են
Պուտինը չի ուզում Փաշինյանի հետ գործ ունենալ՝ հրահանգները չի կատարում․ նոր «Հոկտեմբերի 27»-ի սպառնալիքն ուղերձ է․ Տիգրան Խզմալյան․ ՏԵՍԱՆՅՈՒԹ
Քաղաքականություն
03.11.2022 | 21:32
Երևանում նոյեմբերի վերջում կայանալիք ՀԱՊԿ Հավաքական անվտանգության խրոհրդի նիստից առաջ Բելառուսի նախագահ Ալեքսանդր Լուկաշենկոն մեղադրել է ՀՀ-ին խաղեր տալու մեջ, թե տեսեք՝ ԵՄ-ին են ներքաշել։ Նկատի ունի ՀՀ-Ադրբեջան սահմանին տեղակայված ԵՄ դիտորդներին․ «Ի՞նչ են նրանք այնտեղ անելու, եթե այնտեղ արդեն միջորդ կա»։ Նա դեմ է ՀԱՊԿ-ի ներգրավմանը Հայաստան-Ադրբեջան կոնֆլիկտում։ Լուկաշենկոն ձախողելո՞ւ է Երևանի նիստում ՀՀ տարածքի ադրբեջանական օկուպացիային վերջ տալուն ուղղված որևէ ճանապարհային քարտեզի ընդունումը, եթե, իհարկե, ԱԳ նախարարները մինչ այդ համաձայնեցնեն նման քարտեզ՝ ռազմական կամ քաղաքական միջոցներ նշելով։
Հայաստանի Եվրոպական կուսակցության ղեկավար Տիգրան Խզմալյանը Factor TV-ին տված հարցազրույցում կարծիք է հայտնում, որ ո՛չ ՀԱՊԿ կա, ո՛չ էլ կարող է որևէ ճանապարհային քարտեզ ընդունվել, առավել ևս՝ իրագործվել։
«Դա պարզ է՝ կազմակերպություն է ՀԱՊԿ-ն, որի անդամ երկու պետություն պատերազմում են իրար հետ՝ Ղրղզստանն ու Տաջիկստանը, որի նախագահող երկիրը չի կարող համոզել իր ղեկավարվող մարմնին գործել։ Հասկանում ենք, որ դա մեռելածին և այլևս չշնչող դիակ է, պարզապես Նիկոլ Փաշինյանը նոր խոսք է ուզում ասել քաղաքականության մեջ․ կա այդպիսի արտահայտություն՝ հեռանալ անգլիական ձևով, այսինքն՝ առանց հրաժեշտ տալու։ Նիկոլ Փաշինյանն արդեն հասցրել է իրավիճակը նրան, որ իրեն բաց տեքստով են ասում, որ ՀՀ-ն դուրս գա ՀԱՊԿ-ից։ Բոլորը գիտեն, որ նա կհեռանա, ավելին՝ բոլորը գիտեն, որ նա հեռացել է։ Լուկաշենկոն ինչքան էլ կեղծավոր է, երբեմն անկեղծ բաներ է ասում՝ դա դուրս պրծող դժգոհություն է»,- ասաց նա։
Տիգրան Խզմալյանը, որը պարբերաբար արտախորհրդարանական ուժերի կազմում հանդիպում է Նիկոլ Փաշինյանին, և այդ հանդիպումների ժամանակ քննարկվում են քաղաքական նշանակության հարցեր, նշում է, որ ՀՀ վարչապետն այլևս չի կատարում Վլադիմիր Պուտինի հրահանգները, ինչը դժգոհություն է առաջացնում Մոսկվայում։ Դրա վկայությունն է Մոսկվայից և ՀՀ-ի որոշ ուժերից հնչող այն գնահատականները, թե ՀՀ-ում հակառուսականություն կա։ Հնչում է նաև սպառնալիքի լեզու, երբ Զատուլինն ակնարկում էր Եգիպտոսի սպանված նախագահի ճակատագիրը ՀՀ-ում այն մարդկանց համար, որոնք կգնան Արևմուտքի միջնորդությամբ Ադրբեջանի հետ պայմանագիր կնքելու ճանապարհով։
Ըստ Եվրոպական կուսակցության ղեկավարի՝ եթե պատերազմից հետո Փաշինյանը ՀՀ ղեկավարի պաշտոնում դեռ պետք էր Պուտինին, ապա հիմա նրանից ազատվելու խնդիր է դրել Կրեմլը, հատկապես, որ չի կատարում ՌԴ ղեկավարի հրահանգները։
Հարցազրույցն ամբողջությամբ՝ տեսանյութում։
Ռոբերտ Անանյան
