08.06.2026 | 08:30
Ամփոփվել են 1924 ընտրատեղամասերից ստացված նախնական արդյունքները. ԿԸՀ
Էրդողանը հայտնել է, որ 2023թ. թուրքական արտադրության ռազմական ինքնաթիռը օդ կբարձրանա
Քաղաքականություն
03.11.2022 | 22:05
Թուրքիայի նախագահ Ռեջեփ Թայիփ Էրդողանը թուրքական լրատվամիջոցներին տված հարցազրույցում անդրադարձել է նաև տարածաշրջանային ու գլոբալ անվտանգության խնդիրների, գրում է Անադոլու գործակալությունը։
Նա կրկին մեղադրել է Հունաստանին, իբր, Արևելյան Միջերկրականում լարվածության սրման մեջ ու սպառնալիքներ հնչեցրել։
«Հունաստանը պետք է ուշքի գա։ Նրանք պետք է սովորեն, որ սադրանքներով որևէ լավ բանի չեն հասնի։ Վերջերս մենք «Թայֆուն» հրթիռի փորձարկում ենք իրականացրել։ Թռիչքի հեռավորությունը 561 կմ է, և դա սահմանը չէ, ավելանալու է։ Շուտով կլսեք լավ լուրեր՝ այնպիսի հրթիռների մասին, ինչպիսիք են Cenk-ն ու Traveler-ը»,-ասել է Էրդողանը։
Նա նաև նշել է, որ 2023 թվականին հայրենական արտադրության ռազմական ինքնաթիռներն օդ են բարձրանալու։
«Hürjet, Bayraktar Kızılelma, TB3-ը վայրէջք կկատարեն մեր «Անադոլու» ավիակրի վրա։ «Աթակ-2»-ը կիրականացնի առաջին թռիչքը»,- ասել է Թուրքիայի նախագահը։
Էմմա Չոբանյան
