16.09.2026 | 12:52
Ալեն Սիմոնյանն ընդունել է Հայաստանում Վրաստանի դեսպանին
Մեդվեդևը հայտարարել է, որ «Ուկրաինայի էներգետիկ օբյեկտների գնդակոծումը կդադարի», եթե նա ճանաչի իր տարածքների բռնակցումը
Քաղաքականություն
28.10.2022 | 20:40
Ուկրաինայի կողմից Սլովակիայից էլեկտրաէներգիայի գնումը կհանգեցնի էներգակիրների գների հետագա բարձրացման թե՛ եվրոպացիների, թե՛ ուկրաինացիների համար, սակայն չի տա էներգետիկ համակարգի աշխատանքի ցանկալի կայունությունը։ Այս մասին իր Telegram-ալիքում գրել է ՌԴ Անվտանգության խորհրդի փոխնախագահ Դմիտրի Մեդվեդևը։
«Էներգամատակարարման կայունության ուղին այլ է: Պետք է ճանաչել «հատուկ ռազմական օպերացիայի» շրջանակում ՌԴ պահանջների օրինականությունը և դրա արդյունքները, որոնք արտացոլված են մեր Սահմանադրության մեջ։ Եվ այդ ժամանակ լույսի հետ կապված խնդիրը կլուծվի»,- գրել է Մեդվեդևը։
Նշենք, որ հոկտեմբերի 27-ին Ուկրաինան առաջին անգամ փորձնական ռեժիմով էլեկտրաէներգիա է ներմուծել Սլովակիայից։
Այժմ Ուկրաինայում ռուսական գնդակոծություններից հետո էլեկտրաէներգիան չի բավականացնում, քանի որ էներգետիկ ենթակառուցվածքները վնասված են։ Արդյունքում անցյալ շաբաթ երկրի շատ շրջաններում, այդ թվում՝ Կիևում, էլեկտրաէներգիայի մատակարարման պարբերական խափանումներ են գրանցվել։
Տաթև Ֆռանգյան
