21.04.2026 | 12:05
ԱԺ առողջապահության հարցերի հանձնաժողովի նիստը՝ ՈՒՂԻՂ
Շոլցը մերժում է Էգեյան ծովի կղզիների նկատմամբ Թուրքիայի ինքնիշխանության պահանջները
Քաղաքականություն
27.10.2022 | 22:19
Գերմանիայի կանցլեր Օլաֆ Շոլցը մերժում է հունական կղզիների ինքնիշխանության վերաբերյալ թուրքական պնդումները, որոնց կապակցությամբ Անկարան պարբերական հարձակումներ է գործում, և որոնք Հունաստանի վարչապետը անվանել է «թույն» և «սուտ»։ Այս մասին հաղորդում է Agence France-Presse-ը, փոխանցում է Turkish Minute-ը։
«ՆԱՏՕ-ի գործընկերը չպետք է կասկածի տակ դնի մեկ այլ անդամի ինքնիշխանությունը։ Բոլոր նման հարցերը պետք է լուծվեն միջազգային իրավունքի հիման վրա»,- ասել է Շոլցը Հունաստանի վարչապետ Կիրիակոս Միցոտակիսի հետ համատեղ մեկնաբանություններում:
«Իսկապես ամոթալի է, որ Թուրքիայի նախագահ Ռեջեփ Թայիփ Էրդողանը չի տեսնում, որ գնում է դեպի փակուղի, երբ նա թունավորում է իր ժողովրդին Հունաստանի դեմ ստերով»,- իր հերթին ասել է Միցոտակիսը։
Հունաստանը և Թուրքիան, որոնք երկուսն էլ ԱՄՆ-ի գլխավորած ՆԱՏՕ-ի անդամներ են, տարիներ շարունակ խնդիրներ ունեն Էգեյան և Արևելյան Միջերկրական ծովերում ծովային սահմանների և էներգետիկ հետախուզման իրավունքների շուրջ: Թուրքիայի նախագահն ու այլ պաշտոնյաներն էլ պարբերաբար սպառնում են Աթենքին։
Էմմա Չոբանյան
