06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Հիվանդագին վախ է՝ ՌԴ-ն մեզ կխփի, Ուկրաինա կսարքի․ հավատարիմ շուն չենք, անվտանգության խնդիր պիտի լուծենք․ Դավիթ Սանասարյան․ ՏԵՍԱՆՅՈՒԹ
Քաղաքականություն
27.10.2022 | 21:17
«Ինքնիշխան Հայաստան» կուսակցության ղեկավար Դավիթ Սանասարյանն արդյո՞ք տեսնում է ռիսկեր հոկտեմբերի 31-ին Սոչիում կայանալիք Փաշինյան-Ալիև-Պուտին հանդիպման մեջ։
Ինչո՞ւ է այս հարցն առաջանում․ ՌԴ Պետդումայի ԱՊՀ հարցերով հանձնաժողովի առաջին փոխնախագահ Կոնստանտին Զատուլին, որի մուտքը Հայաստան արգելվել է, պնդել է, որ Նիկոլ Փաշինյանը նոյեմբերի 9-ի հայտարարությամբ միջանցք տալու պարտավորություն է վերցրել, և պետք է կատարի այն։ Բացի այդ՝ ՌԴ փոխվարչապետ Օվերչուկն է ասել, որ եթե ՀՀ-ն չլուծի տրանսպորտային շրջափակման հարցը, ապա «Հյուսիս-Հարավ» միջազգային տրանսպորտային միջանցքի արևմտյան երթուղին Հայաստանի փոխարեն կարող է անցնել Ադրբեջանով և Իրանով։
Ըստ Դավիթ Սանասարյանի՝ Իլհամ Ալիևը նախապես է իր համաձայնությունը տվել հանդիպմանը, քանի որ վստահ է՝ ռուսական ձևաչափում սպասարկվելու են Ադրբեջանի շահերը։
«Իմ կարծիքով՝ ամենամեծ ռիսկն է, որ ՀՀ-ն շարունակում է հույս դնել ռուս-թուրքական պայմանավորվածությունների տարածքում ձևավորվող արդյունքների վրա։ Եթե ես որոշողը լինեի, բնականաբար, չէի գնա այդ հանդիպմանը։ Բայց կիրականացնեի չգնալուն նախորդող գործողություններ, որի մասին տևական ժամանակ է՝ խոսում եմ։ Հիմա է մոդա դարձել ՀԱՊԿ-ից դուրս գալու հարցը, բայց ես վաղուց եմ ասել, նաև՝ այս տաղավարում, որ ՀՀ-ն, որպեսզի լուծի իր անվտանգային խնդիրները, պետք է դուրս գա ռուս-թուրքական համատեղ տարածքից։ Ի՞նչ կլինի կամ չի լինի, ինչպե՞ս են կծում մեր ոտքերը ռուս պաշտոնյաները, պարզ է՝ սա փոխադարձ պատասխանն է։ ՀՀ ներկայացուցիչները վերջերս մի փոքր ավելի համարձակ են խոսում և արտահայտվում խնդիրների մասին։ Սա պատասխան է նաև նրա, որ ՀՀ-ն գործընթացների մեջ է մտնում Արևմուտքի հետ»,- ասաց Դավիթ Սանասարյանը։
Հարցազրույցն ամբողջությամբ՝ տեսանյութում։
Ռոբերտ Անանյան
