ՀՀ-ին որևէ պաշտոնական առաջարկ չի արվել, որը կխախտի մեր տարածքային ամբողջականությունը․ ՏԵՍԱՆՅՈՒԹ

ՀՀ-ին որևէ պաշտոնական առաջարկ չի արվել, որը կխախտի մեր տարածքային ամբողջականությունը Factor.am-ի հետ զրույցում ասաց ՀՀ ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանը։

«Այսպիսի ձևաչափով հանդիպում արդեն մեկ տարի է տեղի չի ունեցել։ Նման հանդիպումներում կա հարցերի առանձին շրջանակ, որոնք ենթակա են քննարկման, դրանցից կարևորագույններից մեկը նոյեմբերի 9-ի փաստաթղղթով ստանձնած պարտավորությունների կատարումն է, գիտենք, որ Ադրբեջանը չի կատարում մի շարք պարտավորություններ։

ՀՀ սահմանային խախտում է տեղի ունեցել Ադրբեջանի կողմից, որին դեռևս չի տրվել քաղաքական գնահատական, քաղաքական գնահատական չի տրվել նաև ռուսական խաղաղապահ ուժերի պատասխանատվության գոտում գտնվող տարածքում ադրբեջանական զորքերի խախտումներին, մեզ մոտ ակնկալիք է ձևավորվել, որ պատասխաններ ստանանք այս ամենի վերաբերյալ, և մեր ակնկալիքը տեղին է և հիմնավոր»,- այս մասին Factor.am-ի հետ զրույցում նշեց «Քաղաքացիական պայմանագիր» պայմանագիր խմբակցության քարտուղար Արթուր Հովհաննիսյանը՝ անդրադառնալով հոկտեմբերի վերջին Սոչիում կայանալիք եռակողմ՝ Պուտին-Փաշինյան-Ալիև  հանդիպման օրակարգին և դիտարկմանը,  որ հայկական կողմը պարզաբանումներ ստանալու ակնկալիք ունի։

Հովհաննսիայանի խոսքով՝ եռակողմ հանդիպման ընթացքում կքննարկվեն նաև – հայ ադրբեջանական հարաբերություններին, ԼՂ անվտանգության ը և ժողովրդի իրավունքներին վերաբերող հարցեր։  «Մենք ունենք գերիների վերադարձի հարց, ունենք անհետ կործաներ, ունենք զոհված զինծառայողների դիեր, որոնք ՀՀ սուվերեն տարածքում են, բայց Ադրբեջանի վերահսկողության ներքո են և Ադրբեջանը խոչընդոտում է նրանց դուրսբերումը։ Այս հարցերն ակնկալվում են քննարկել նաև այդ հանդիպմանը»,- նշեց պատգամավորը։

Մանրամասները՝ տեսանյութում։