31.10.2026 | 17:23
Երևանում բացվել է «ՀայՓաս»-ի երկրորդ գրասենյակը
Բայդենը զգուշացրել է, որ ՌԴ-ի կողմից միջուկային զենքի օգտագործումը չափազանց լուրջ սխալ կլինի
Քաղաքականություն
26.10.2022 | 13:10
ԱՄՆ նախագահ Ջո Բայդենը նախազգուշացրել է Մոսկվային, որ չպետք է միջուկային զենք օգտագործել։ Սպիտակ տան ղեկավարի խոսքերը հնչել են այն բանից հետո, երբ Ռուսաստանը ՄԱԿ-ում հայտարարել է, որ Ուկրաինան ծրագրում է օգտագործել «կեղտոտ ռումբ», գրում է VOA-ն։
«Ռուսաստանն անհավանական լուրջ սխալ կկատարի, եթե ռազմավարական միջուկային զենք կիրառի։ Ես դեռ չեմ կարող ձեզ երաշխավորել, որ այդ օպերացիան կեղծ դրոշի ներքո կլինի, մենք դեռ չգիտենք։ Սակայն դա լրջագույն սխալ կլինի»,- ասել է Բայդենը։
Հիշեցնենք, որ Միացյալ Նահանգները և արևմտյան այլ երկրներ հերքել են Ռուսաստանի պնդումները, թե Ուկրաինան պատրաստվում է օգտագործել «կեղտոտ միջուկային ռումբ» իր տարածքում՝ դա համարելով էսկալացիայի պատրվակ:
Պետքարտուղարության խոսնակ Նեդ Փրայսը ևս երեքշաբթի հայտարարել է, որ ԱՄՆ-ն անհանգստացած է Ռուսաստանի հայտարարություններով, քանի որ նա «արդեն ցույց է տվել, որ ծրագրում է անել այն, ինչում մեղադրում է մյուսներին»:
Ուկրաինայի ԱԳ նախարարը հայտնել է, որ ՄԱԳԱՏԷ-ի տեսուչները շուտով կժամանեն՝ Կիևի խնդրանքով ստուգելու ուկրաինական երկու միջուկային օբյեկտներ։
Տաթև Ֆռանգյան
